*कळंब- धाराशिव --प्रतिनिधी*
*बिलाल कुरेशी*
*टाइम्स 45 न्यूज मराठी*
शिराढोण येथील सामाजिक, शैक्षणिक व पत्रकारितेच्या क्षेत्रात उल्लेखनीय कार्य करणाऱ्या दोन मान्यवर व्यक्तींचा शरदचंद्र महाविद्यालय यांच्या वतीने भव्य सत्कार सोहळा संपन्न झाला.
या सोहळ्यात दादाभाई खतीब (संपादक, डी के न्यूज) आणि सुप्रसिद्ध पत्रकार बिलाल भाई कुरेशी यांचा गौरव करण्यात आला.
महाविद्यालयाचे प्राचार्य साजिद चाऊस सर यांच्या हस्ते शाल, श्रीफळ व स्मृतिचिन्ह देऊन दोघांचा सन्मान करण्यात आला.
कार्याची दखल, समाजाचा अभिमान
दादाभाई खतीब यांनी पत्रकारितेतून सातत्याने लोकांच्या प्रश्नांना वाचा फोडली आहे. तर बिलाल भाई कुरेशी यांनी सामाजिक घडामोडी, शैक्षणिक उपक्रम आणि ग्रामीण विकासाच्या बातम्यांना प्राधान्य देत पत्रकारितेत वेगळी ओळख निर्माण केली आहे.
दोघांच्या कार्यामुळे शिराढोणचे नाव तालुका व जिल्हा पातळीवर उजळले आहे. त्यांच्या परिश्रमांची दखल घेत महाविद्यालय प्रशासनाने हा सत्कार सोहळा आयोजित केला होता.
विद्यार्थ्यांसाठी प्रेरणादायी क्षण
या कार्यक्रमावेळी उपस्थित विद्यार्थ्यांनी टाळ्यांच्या कडकडाटात मान्यवरांचे स्वागत केले. प्राचार्य साजिद चाऊस सर यांनी आपल्या मनोगतात पत्रकारितेचे समाजातील महत्त्व अधोरेखित करत, “सत्य, प्रामाणिकपणा आणि धाडस या गुणांमुळेच पत्रकार समाजाचा खरा प्रहरी ठरतो,” असे मत व्यक्त केले.
हा सोहळा शिराढोणच्या सामाजिक व शैक्षणिक क्षेत्रासाठी अभिमानाचा क्षण ठरला. यावेळी प्राध्यापक वर्ग मोठ्या संख्येने उपस्थित होते
कोणत्याही टिप्पण्या नाहीत:
टिप्पणी पोस्ट करा