यमराजालाही थांबवणारा "इरफान मुजावर "अल्लाहचा फरिश्ता.

 उपसंपादक - नूरजहाँ शेख

टाइम्स 45 न्युज मराठी

यमराजालाही थांबवणारा "इरफान मुजावर "अल्लाहचा फरिश्ताच होता त्यामुळे त्याच्या धाडसाचे कौतुक सर्वत्र होत आहे

त्या विहिरीत पडलेली पिकअप फक्त एक गाडी नव्हती, तर त्यात अनेक कुटुंबांचे स्वप्न, आशा आणि आयुष्य अडकले होते. पाण्याशी झुंज देत असलेले ते जीव मदतीसाठी हाका मारत होते. विहिरीच्या काठावर उभ्या असलेल्या लोकांच्या डोळ्यांत असहाय्यता होती. प्रत्येक क्षण मृत्यूकडे झुकत होता.

आणि तेव्हाच इरफान धावत आला...

त्याने कोण आहे, कुठला आहे, कोणत्या धर्माचा आहे, हे विचारले नाही. त्याला फक्त विहिरीत बुडणारे जीव दिसले. क्षणाचाही विचार न करता त्याने खोल पाण्यात उडी घेतली. त्या क्षणी त्याला स्वतःच्या आईची, वडिलांची, कुटुंबाची आठवण आली असेलही; पण दुसऱ्यांचे प्राण वाचवण्याची हाक त्याच्या मनातील माणुसकीने ऐकली होती.

एकामागून एक जीव तो बाहेर काढत राहिला. प्रत्येक वेळी पाण्यात उतरताना मृत्यू त्याच्या समोर उभा होता. पण इरफानच्या धैर्यासमोर मृत्यूही हतबल झाला. पाच जणांचे प्राण वाचले... पाच कुटुंबांचे संसार वाचले... पाच मातांच्या कुशीत त्यांची लेकरे पुन्हा परतली.

त्या दिवशी विहिरीच्या काठावर एक अद्भुत दृश्य घडले. धर्म हरला, जात हरली, पंथ हरले... आणि जिंकली ती फक्त माणुसकी.

काही लोक देवाला मंदिरात शोधतात, काही मशिदीत. पण त्या दिवशी देव विहिरीच्या पाण्यात उतरला होता. त्याचे नाव होते इरफान.

आज त्या पाच कुटुंबांच्या प्रार्थनांमध्ये, त्या मातांच्या अश्रूंमध्ये, त्या लेकरांच्या हसण्यात आणि त्या वाचलेल्या जीवांच्या प्रत्येक श्वासात एकच नाव घुमत असेल—

"इरफान..."

कारण काही माणसे जन्माने सामान्य असतात, पण त्यांच्या कृती त्यांना देवदूत बनवतात.

त्या दिवशी अल्लाहने फरिश्ता पाठवला होता... आणि त्या फरिश्त्याने यमराजालाही रिकाम्या हाताने परत पाठवले. 

सलाम इरफान...!

तुझ्या धाडसाला, तुझ्या माणुसकीला आणि तुझ्या मोठ्या हृदयाला.