बी.टी.शिवशरण.--श्रीपूर.
कर्मयोगी सुधाकरपंत परिचारक पांडुरंग सहकारी साखर कारखान्याचे वतीने ऊस तोडणी मजूरांची आरोग्य तपासणी उपचार व लसीकरण शिबीर कारखान्याचे तोडणी मजूरांचे कोपी जवळ गट सेंटर कार्यालयात सुरू करण्यात आले आहे कारखान्याचे चेअरमन प्रशांतराव परिचारक यांचे सुचनेनुसार कार्यकारी संचालक डॉ यशवंतराव कुलकर्णी साहेब यांचे मार्गदर्शनाखाली उस तोडणी मजूर व त्यांचे कुटुंबातील सर्वांची आरोग्य तपासणी व लसीकरण होत आहे कारखान्याचे शेतकी अधिकारी संतोष कुमठेकर यांनी तोडणी मजूरांचे आरोग्य तपासणी शिबिर लसीकरण व कारखान्याचे वतीने त्यांना पुरवण्यात येणार्या सुविधांची विस्तृत माहिती दिली त्यांनी सांगितले की कारखान्याचे वतीने पिण्याचे शुध्द पाणी पुरवण्यात आले आहे तसेच लहान मुलं बालकांना अंगणवाडी बालवाडी तसेच साखर शाळा सुरू केल्या आहेत
लहान मुले बालकांना खाऊ वाटप अल्पोपहार दिला जातो तसेच कोपीत रहाणारे सर्वांना वीज पाणी सुरक्षा दिली आहे कुमठेकर यांनी माहिती देताना पुढे सांगितले की ऊस तोडणी मजूरांना सकाळी लवकर उठून ऊस तोडणी साठी जावे लागते त्यांना काम करताना जखम होऊ शकते तेव्हा वेळीच त्यांचे वर उपचार होणे आवश्यक असते अन्यथा धनुर्वात होऊ शकते तसेच सर्दी खोकला ताप यांवर वेळच्या वेळी तपासणी केली तर पुढे आजारांचे स्वरूप वाढत नाही कारखान्याचे कर्तव्यदक्ष कार्यकारी संचालक डॉ यशवंतराव कुलकर्णी साहेब यांचे मार्गदर्शनाखाली वेळोवेळी सुचनेनुसार या मजूरांना व त्यांच्या कुटुंबीयांना आरोग्य तपासणी लसीकरण करून त्यांना निरोगी आरोग्य देण्यासाठी कारखाना कटिबद्ध आहे यावेळी
कारखान्याचे वैद्यकीय अधिकारी डॉ सुधीर पोफळे डॉ प्रमोद पवार यांनी ऊस तोडणी मजूरांची व त्यांच्या कुटुंबांची आरोग्य तपासणी केली तपासणी नंतर त्यांना कारखान्याचे वतीने मोफत औषधोपचार करुन औषध पुरवली यावेळी वैद्यकीय अधिकारी डॉ सुधीर पोफळे यांनी मजूरांना समुपदेशन केले त्यांनी सांगितले की कोणताही आजार अंगावर काढू नये तसेच जखम झाली असेल तर त्वरित आमच्या कडे या पोट दुखी व मोठ्या आजारांवर कारखान्याचे रुग्णालयात उपचार केले जातील ही माहिती आपण सर्वांनी आपल्या परिवारास द्या कोणताही संकोच न बाळगता हक्काने तपासणी साठी या योग्य तपासणी उपचार लसीकरण करून सहकार्य केले जाईल या तपासणीसाठी आलेल्या एका मजूर महिलेने शेतकी अधिकारी संतोष कुमठेकर यांचे कडे तक्रार सांगीतली की आम्ही ऊस तोडणी साठी गेलो की आमची लहान मुलं मुली कोपी वर असतात तेव्हा कोणी तरी एक तरुण दररोज येऊन आमच्या मुलांना त्रास देतो मुलींना बोलावतो तेव्हा शेतकी अधिकारी यांनी ताबडतोब कारखान्याचे सुरक्षा अधिकारी यांना फोन करून तेथे कायम स्वरुपी सुरक्षा रक्षक नेमून सुरक्षा पुरवण्याची सुचना केली कोपीवर रहात असलेल्या सर्व मजूर व त्यांच्या कुटुंबीयांसाठी कारखान्याचे वतीने सार्वजनिक शौचालयांची उभारणी केली आहे तसेच चोवीस तास पाणी वीज सुरक्षा दिली आहे आज संध्याकाळी सहा वाजता मोफत आरोग्य तपासणी उपचार व लसीकरण शिबिराचे उद्घाटन वैद्यकीय अधिकारी डॉ सुधीर पोफळे डॉ प्रमोद पवार व शेतकी अधिकारी संतोष कुमठेकर बोर्ड सेक्रेटरी भीमराव बाबर यांच्या हस्ते करण्यात आले प्रारंभी कारखान्याचे दैवत कर्मयोगी सुधाकरपंत परिचारक यांच्या प्रतिमेचे पूजन करण्यात आले आज जवळपास पन्नास मजूरांची आरोग्य तपासणी केली ही तपासणी दररोज संध्याकाळी साडे पाच ते साडे सात या वेळेत करण्यात येणार असल्याची माहिती सर्व मजूरांना देण्यात आली मजूरांची त्यांच्या कुटुंबांची आरोग्याची काळजी दक्षता सुविधा व मोफत औषधोपचार होत असल्याने मजूरांनी समाधान व्यक्त केले
कोणत्याही टिप्पण्‍या नाहीत:
टिप्पणी पोस्ट करा