उपसंपादक - नूरजहाँ शेख
टाइम्स 45 न्यूज मराठी
महसूल व वनविभाग मार्फत ,माळशिरसचे तहसीलदार सुरेश शेजुळ यांचेकडील आदेशानुसार व मार्गदर्शनाखाली लवंग सर्कल मध्ये येणाऱ्या सर्व गावातील नागरिकांच्या ,विद्यार्थ्यांच्या शैक्षणिक कामांसाठी लागणाऱ्या दाखले वाटपासाठी विशेष शिबिराचे आयोजन करण्यात आले होते.
सध्या सर्वत्र शाळा- महाविद्यालयामध्ये प्रवेश प्रक्रिया सुरू असल्याने मोठ्या प्रमाणात विद्यार्थ्यांना उत्पन्नाचे दाखले,नॉन क्रिमीलेअर,जातीचे दाखले इत्यादीची आवश्यकता असते. सदर दाखले विद्यार्थ्यांना कमी वेळेत व एकाच छताखाली उपलब्ध व्हावेत यासाठी या शिबिराचे आयोजन करण्यात आले होते.
या शिबिरात शेतकऱ्यांना, विद्यार्थी व पालकांना दाखल्यांचे वाटप करण्यात आले.या शिबिराचे उदघाट्न लवंग व गावचे सरपंच प्रशांत पाटील व वाफेगावचे सरपंच एकनाथ शिंदे यांच्या हस्ते झाले . या प्रसंगी मंडल अधिकारी संजय फिरमे,लवंगच्या तलाठी कविता बरडे,पर्यवेक्षक मंडलातील सर्व तलाठी, कोतवाल व महा-ई-सेवा केंद्र चालक अंधारे , ग्रामस्थ उपस्थित होते.सदर शिबिरात १०१ विविध दाखल्यांचे मान्यवरांच्या हस्ते वितरण करण्यात आले.
कोणत्याही टिप्पण्‍या नाहीत:
टिप्पणी पोस्ट करा