*उपसंपादक -- नूरजहाँ शेख*
*टाइम्स 45 न्यूज मराठी*
- लेखक इंद्रजीत पाटील लिखित शेलक्या बारा या बहुचर्चित कथासंग्रहास अल्पावधीतच पाचवा राज्यस्तरीय पुरस्कार मिळाला.धृपद एन्टरटेनमेंट व महाराष्ट्र नवनिर्माण विद्यार्थी सेना यांच्या संयुक्त विद्यमाने तीनशेहून अधिक साहित्यकृतीतून या कथासंग्रहाची लक्षवेधी पुरस्कारासाठी तज्ञ परीक्षक समितीने निवड केली.शाल,श्रीफळ,स्मृतीचिन्ह,सन्मानपत्र व राेख रक्कम असे या पुरस्काराचे स्वरूप असून प्रस्तुत कार्यक्रमाचे अध्यक्ष सुप्रसिद्ध कवी,लेखक, गीतकार श्री.प्रवीण दवणे सर,प्रमुख पाहुणे लेखिका नीता शरत् कुमार माडगूळकर,अध्यक्ष,मराठी ग्रंथ
संग्रहालय,ठाणे विद्याधर ठाणेकर,अध्यक्ष,मराठी एकीकरण समिती,गाेवर्धन देशमुख,संदीप पाचंगे,जनार्दन म्हात्रे,गाेडसे मॅडम
यांच्या हस्ते हा पुरस्कार लेखक इंद्रजीत पाटील यांना सन्मानपूर्वक सुपूर्द करण्यात आला.डाॅ.काशिनाथ घाणेकर नाट्यगृह,ठाणे या ठिकाणी साहित्यवलय पुरस्कार -२०२४ ने त्यांना सन्मानित करण्यात आले.धृपद एन्टरटेनमेंटचे सर्वेसर्वा व सुप्रसिद्ध कवी ऋग्वेद देशपांडे व साै.पूजा ऋग्वेद देशपांडे यांनी या कार्यक्रमाचे सुंदर व शिस्तबद्ध नियोजन केले.लेखक इंद्रजीत पाटील यांच्या या साहित्यिक वाटचालीबद्दल श्री.पंडीतराव लाेहाेकरे,श्री.माधवरावजी कुतवळ,चंद्रकांत पाटील,रावसाहेब पाटील,संजय भड,अमाेल देशमुख,राकेश गरड यांनी विशेष अभिनंदन केले व पुढील साहित्यिक वाटचालीसाठी हार्दीक शुभेच्छा दिल्या.
कोणत्याही टिप्पण्‍या नाहीत:
टिप्पणी पोस्ट करा