*उस्मानाबाद चे, जिल्हाधिकारी- सचिन ओंबासे यांच्या सूडबुद्धीचा बळी -- संजय कुमार डव्हळे यांचे निलंबन* *मराठा समाजाचा जिल्हाधिकार्‍यावर आरोप*

 

*संपादक --टाइम्स 45 न्यूज मराठी*

*मो:--  9730 867 448*

धाराशिव (उस्मानाबाद )येथील उपविभागीय अधिकारी संजयकुमार डव्हळे यांचे सूडबुद्धीने केलेले निलंबन आदेश रद्द करून जातीवादी जिल्हाधिकारी ओम्बासे यांची बदली करावी अशी मागणी तुळजापूर येथील मराठा समाजाच्या वतीने निवेदनाद्वारे राज्याचे मुख्यमंत्री -देवेंद्र फडणवीस, उपमुख्यमंत्री- एकनाथ शिंदे, उपमुख्यमंत्री -अजितदादा पवार, आणि महसूल मंत्री यांच्या कडे केली असून

याबाबत निवेदनाद्वारे केलेली मागणी अशी की

, तुळजापूर विधानसभा निवडणुकीच्या दोन दिवस अगोदर 18 नोव्हेंबर रोजी आणि विधानसभा निवडणुकीनंतर 29 नोव्हेंबर रोजी दोन अहवाल तुळजापुरचे निवडणूक निर्णय अधिकारी म्हणून संजयकुमार डव्हळे पाटील यांनी निवडणूक आयोगास पाठवले होते.

ज्यामध्ये त्यांनी निवडणुकीमध्ये होत असलेला भ्रष्टाचार, आणि धाराशिव चे जिल्हाधिकारी  ओम्बासे यांनी निवडणूक कामात आणलेला अडथळा,मनोज  जरांगे पाटलांनी उभ्या केलेल्या उमेदवाराला तुच्छ वागणूक देणाऱ्या अधिकाऱ्यावर गुन्हा का? दाखल केला म्हणून ओम्बासे यांनी केलेली अश्लील शिवीगाळ केली होती, इथे सर्व पाटीलच भरलीत' अशी जिल्हाधिकारी ओम्बासे यांनी केलेली जातीवाचक टिपणी, संजय कुमार डव्हळे पाटील यांचं करियर उध्वस्त करून टाकण्याची जिल्हाधिकारी सचिन ओम्बासे यांनी दिलेली धमकी या आशयाचे दोन अहवाल निवडणूक आयोगाला पाठवले आहेत.

त्यावर दिनांक 6 जानेवारी 2024 रोजी निवडणूक आयोगाने चौकशी समिती गठीत केली. आणि चौकशी साठी विभागीय आयुक्तांनी 9 जानेवारी रोजी सुनावणी ठेवली त्या सुनावणीला जिल्हाधिकाऱ्यांनी पाठ फिरवून आयोगाच्या आदेशाला केराची टोपली दाखवली आणि सुनावणीला गैरहजर राहिले. तसेच जिल्हाधिकारी यांना सुनावणीला बोलावले होते याचा राग मनामध्ये धरून जिल्हाधिकारी यांनी महसूल मंत्र्यांना तसेच सचिवांना बोलून उपविभागीय अधिकारी संजय कुमार डव्हळे पाटील यांना 7 जानेवारी 2024 रोजी निलंबित करून घेतलं. आणि हा प्रकार म्हणजे एक दडपशाही, मग्रूरी आणि अधिकाऱ्याची मनमानीच म्हणावे लागेल

स्वतः निवडणूक आयोगाच्या चौकशीतून वाचण्यासाठी जातीवादी जिल्हाधिकाऱ्यांनी एका प्रामाणिक मराठा अधिकाऱ्यावर सूड भावनेने निलंबनाची कारवाई करून घेतली. त्यामुळे तात्काळ संजय कुमार डव्हळे पाटील यांचा निलंबनाचा आदेश रद्द करून जातीवादी जिल्हाधिकारी सचिन ओम्बासे यांची बदली करा अन्यथा मराठा समाज रस्त्यावर उतरेल आणि अशा भ्रष्टाचारी व बेताल वागणाऱ्या अधिकाऱ्याचे असे प्रकार खपवून घेतले जाणार नाही असा इशाराही मराठा समाजाच्या वतीने देण्यात आला आहे

या निवेदनावर खालील मराठा समाजाच्या मान्यवरांच्या स्वाक्षरी आहेत

' गणेश पाटील ,आदित्य देशमुख , विठ्ठल पवार ,आदित्य जिवनराव गोरे ,विठ्ठल झाडे पाटील ,शेषराव मोहिते, गजानन जाधव,