*कार्यकारी संपादक - एस. बी. तांबोळी -टाइम्स 45 न्यूज मराठी*
*मो:-- 8378081147
----- पिंपरी बुद्रुकचे ग्रामदैवत पिरसाहेब (उदगिरबाबा) यांच्या सभामंडपाच्या सभोवताली पेव्हर ब्लॉक टाकून सुशोभीकरणास दहा लाख तर संरक्षक भिंतीसाठी दहा लाख रुपयांच्या निधीची घोषणा क्रीडा व युवक कल्याण, अल्पसंख्याक मंत्री दत्तात्रय भरणे यांनी केली.
क्रीडा व युवक कल्याण मंत्री दत्तात्रय भरणे यांच्या स्थानिक विकास निधीतून पंधरा लाखांचे पिरसाहेबांचे सभामंडप यापूर्वीच उभारण्यात आले आहे. त्याचप्रमाणे दर्गाह परीसरात पेव्हर ब्लॉक, पिण्याचे व हातपाय धुण्यासाठी पाण्याची सोय, दर्गाहला रंगरंगोटी करण्याची मागणी ग्रामस्थ, भाविकांनी केली होती. त्याची दखल दत्तात्रय भरणे यांनी घेवून ग्रामदैवत पिरसाहेब (उदगिरबाबा) यांच्या सभामंडपाच्या सभोवताली पेव्हर ब्लॉक टाकून सुशोभीकरणास दहा लाख तर संरक्षक भिंतीसाठी दहा लाख रुपयांच्या निधीची घोषणा केली. ऐन उरूसाच्या काळात वीस लाखांच्या निधीची घोषणा करण्यात आल्याने भाविक व ग्रामस्थांनी आनंद व आभार व्यक्त केला आहे.
पिंपरी बुद्रुकचे ग्रामदैवत पिरसाहेब (उदगिरबाबा) यांचा उरूसास सुरुवात झाली आहे. त्यानिमित्त गावात स्वच्छता, साफसफाई, संदल व छबिना मार्गाच्या काटेरी बाभळी काढणे, खांबावर बल्ब बसवणे, यात्रेसाठी येणाऱ्या व्यावसायिकांच्या बसण्याची सोय करणे, भाविकांना उन्हाळ्याच्या पार्श्वभूमीवर पाणी, सावलींची सोय करण्यात आली आहे.
लोकनेते महादेवराव बोडके दादा यांनी गावच्या विकास कामासाठी पक्षाच्या माध्यमातून लाखो रुपयांचा निधी आणून विकास कामे केली आहेत. तीच विकास कामांची परंपरा ग्रामस्थांनी पुढे सातत्याने चालू ठेवलेली आहे. तसेच आगामी काळातही विकास कामांसाठी मंत्री दत्तात्रय भरणे यांच्या माध्यमातून निधी आणण्याचा मानसही ग्रामस्थांनी व्यक्त केला आहे. तर दर्गाहला रतन मंडप व डेकोरेशन यांच्या कडून आकर्षक विद्युत रोषणाई करण्यात आली आहे.
फोटो - पिंपरी बुद्रुक येथील ग्रामदैवत पिरसाहेब सभामंडपा सभोवताली पेव्हर ब्लॉकला निधी मंजूर झाला आहे.
---------------------------
कोणत्याही टिप्पण्‍या नाहीत:
टिप्पणी पोस्ट करा