*संपादक --टाइम्स 45 न्यूज मराठी*
*मो:-- 9730 867 448
शंभर निराधार वृध्दांना आधार देणाऱ्या 'रोटरी क्लब ऑफ सोलापूर संचलित रोटरी अन्नपूर्णा योजनेचे १८ वर्ष पूर्ति निमित्त विशेष कार्यक्रमाचे आयोजन केले असल्याची माहिती सोलापूर रोटरी क्लब सोलापूरचे अध्यक्षा धनश्री केळकर यांनी "टाइम्स 45 न्यूज मराठी" शी बोलताना दिली
गतकाळात आर्थिक सुबत्ता व संपन्नता असलेल्या आणि नंतर विपन्नावस्थेत गेलेल्या तसेच नातीगोतीही केवळ नावापुरतीच ठरलेल्या उपेक्षित, निराधार अशा शंभर वृध्द माता-पित्यांसाठी रोटरी क्लब ऑफ सोलापूर ही संस्था 'काठीचा आधार' बनली आहे. या वृध्दांसाठी गेल्या १८ वर्षांपासून रोटरी अन्नपूर्णा योजना कसलाही खंड न पडता अव्याहतपणे सुरु आहे.
रोटरी क्लब ऑफ सोलापूरने २००७ साली तत्कालीन अध्यक्ष राज मिणियार यांच्या पुढाकारातून व आचार्य किशोरजी व्यास यांच्या प्रेरणेनेने अन्नपूर्णा योजनेची सुरुवात केली होती. प्रथम वर्षी 'सुगरण' च्या मीनाबेन शहा यांनी 'ना नफा ना तोटा' तत्वावर या अन्नपूर्णा योजनेसाठी स्वयंपाक करुन दिली. त्यानंतर मागील १७ वर्षे चंद्रिका चौहान यांच्या उद्योगवर्धिनी महिला बचत गटाच्या सहाय्याने दररोज शंभर वृध्दांसाठी स्वंयपाक करुन दिला जातो. मागील १८ वर्षात वर्षात या योजनेत एका दिवसाचाही खंड पडला नाही. प्रत्येक वृध्दाकडे घरपोच ताज्या व गरम जेवणाचा डबा अगदीवर वेळेवर पोहोचविला जातो. त्याचे श्रेय सेवाव्रती रिक्षाचालक श्री शरणय्या हिरेमठ यांना दिले जाते. आजपर्यंत सुमारे ६,५७,००० डबे, सुमारे १ कोटी ९० लाख पेक्षा अधिक खर्च या योजने अंतर्गत केले गेले आहे. या योजनेसाठी रोटरी क्लबद्वारा एक विशेष समिती कार्यरत ओह ती दैनंदिन व्यवहारकडे अत्यंत काटेकोरपणे लक्ष ठेवत असते. डाक विभागातर्फे रोटरी क्लब सोलापूरच्या ७५ वर्षानिमित्ताने प्रसिध्द करण्यात आलेल्या विशेष टपाल पाकिटावर रोटरी अन्नपूर्णा योजनेस विशेष प्राधान्य देण्यात आले होते.
या संदर्भात रोटरी क्लब ऑफ सोलापूरचे अध्यक्ष धनश्री केळकर व या प्रकल्पाचे चेअरमन रोटे. बी. ए. मुंदडा यांनी माहिती दिली. दररोजचे रुपये १३ द्या व वर्षाचे एकूण ४७६५ दिल्याने आपण एका वृध्दास दररोजचे अन्नदानाचे पुण्य मिळवा या युक्तिने सुरु केलेली या सेवाभावी योजनेसाठी सध्या प्रतिवर्षी सुमारे १४ लाखांचा खर्च होतो. हा खर्च भागविण्यासाठी एका वृध्दा व्यक्तीकरिता एका वर्षाच्या अन्नदानासाठी ९१०० रुपये इतक्या देणगीची योजना आखण्यात आली आहे. ही देणगी आयकर कलम ८० जी अन्वये वजावटीस पात्र आह असे को चेअरमन ब्रिजकुमार गोयदानी यांनी सांगितले. या द्वारे उभारण्यात आलेल्या निधी 'रोटरी कम्युनिटी वेल्फेअर ट्रस्ट' च्या माध्यामातून याच योजनेसाठी वापरला जातो. समाजातील दानशूर व्यक्ती व संस्थानी ही योजना पुढे नेण्याठी व तिचा विस्तार करण्यासाठी आर्थिक सहयोग द्यावा व असे आवाहन त्यांनी केले आहे
दररोज सुग्रास भोजन घरपोच देण्यासह लाभार्थी वृध्दांची आरोग्य तपासणी करुन गरजेप्रमाणे औषधे दिली जातात. त्यांना जेवणासाठी भांडे, कपडे तसेच चादरीही उपलब्ध करुन दिल्या आहेत. एवढेच नव्हेतर मानसिक शांती व विरंगुळा मिळवा म्हणून लाभार्थी वृध्दांना पंढरपूर, अक्कलकोट, तुळजापूर या धार्मिक ठिकाणी सहलीवर नेले जाते. या सेवाभावी अन्नपूर्णा योजनेची दखल रोटरी इंटरनॅशनल घेत या प्रकल्पाला सर्वोत्कृष्ट प्रकल्पाचा पुरस्कार दिला आहे. रोटरी अन्नपूर्णा योजनेच्या धर्तीवर अतरही अनेक सामाजिक संस्थांनी सोलापूर जिल्हयासह कराड, लातूर आदी ठिकाणी अशा प्रकारची योजना सुरु केली आहे.
रोटरी अन्नपूर्णा योजनेच्या १८ वर्ष पूर्तिचा कार्यक्रम सोमवार दि. ४ ऑगस्ट रोजी सकाळी ११.०० वा. सर्व लाभार्थ्यांना ड्रिम पॅलेस, पोलीस कल्याण केंद्र येथे आणून पंगतीत विशेष मिष्टाण जेवणाचा आस्वाद देण्यात येणार असल्याची माहिती या क्लबचे सचिव निलेश फोफलिया यांनी दिली आहे. याप्रसंगी प्रमुख पाहुणे म्हणून श्री. विजय पाटील, उप प्रादेशिक परिवहन अधिकारी, सोलापूर व श्री. केशव शिंदे सर यांची उपस्थिती लाभणार आहे.
कोणत्याही टिप्पण्‍या नाहीत:
टिप्पणी पोस्ट करा