महाराष्ट्रात प्रथमच महाविद्यालयीन स्तरावर टी जे कॉलेज ॲप चा प्रारंभ; विद्यार्थ्यांसाठी डिजिटल सुविधांचे नवे दालन खुले विद्यार्थ्यांच्या सर्वांगीण विकासासाठी तंत्रज्ञानाचा प्रभावी वापर आवश्यक : अध्यक्ष कृष्णकुमार गोयल.

पुणे, डॉ. संदेश शहा. टाईम्स 45 न्यूज मराठी दि. १४ ऑक्टोबर २०२६ सहसंपादक, मो . ९९२२४१९१५९

सध्याच्या डिजिटल युगात शिक्षणव्यवस्थेने काळानुरूप बदल स्वीकारणे आवश्यक आहे. विद्यार्थ्यांना महाविद्यालयीन जीवनात आवश्यक विविध सुविधा एकाच डिजिटल व्यासपीठावर उपलब्ध झाल्यास त्यांचा वेळ वाचेल, त्यामुळे त्यांच्या गुणवत्तेत वाढ होईल तसेच महाविद्यालयीन कामकाज देखील अधिक सुलभ होईल. त्यामुळे विद्यार्थ्यांच्या सर्वांगीण विकासाला चालना देण्यासाठी आधुनिक तंत्रज्ञानाचा प्रभावी वापर करणे ही काळाची गरज आहे,” असे प्रतिपादन खडकी शिक्षण संस्थेचे अध्यक्ष कृष्णकुमार गोयल यांनी केले.

खडकी शिक्षण संस्थेच्या टिकाराम जगन्नाथ कला, वाणिज्य व विज्ञान महाविद्यालय, खडकी (स्वायत्त) येथे विद्यार्थ्यांसाठी विकसित करण्यात आलेल्या ‘टी जे कॉलेज ॲप चे उद्घाटन अध्यक्ष कृष्णकुमार गोयल यांच्या हस्ते बुधवार, दिनांक १४ ऑक्टोबर २०२६ रोजी करण्यात आले. श्री. गोयल पुढे म्हणाले, या उपक्रमाच्या माध्यमातून विद्यार्थ्यांना आधुनिक, सुलभ आणि तंत्रज्ञानाधारित सुविधा उपलब्ध करून देण्याच्या दिशेने महाविद्यालयाने महत्त्वपूर्ण पाऊल टाकले आहे. विद्यार्थ्यांना शैक्षणिक माहिती, महाविद्यालयीन सूचना आणि विविध सेवांशी संबंधित माहिती एकाच डिजिटल व्यासपीठावर उपलब्ध करून देणे, हा या ॲपच्या निर्मितीमागील प्रमुख उद्देश आहे. महाविद्यालय आणि विद्यार्थी यांच्यातील संवाद अधिक सुलभ करणे, माहितीचे आदानप्रदान गतिमान करणे आणि महाविद्यालयीन कामकाजात डिजिटल तंत्रज्ञानाचा वापर वाढविणे यासाठी हे ॲप उपयुक्त ठरणार आहे. याप्रसंगी महाविद्यालयाचे प्राचार्य डॉ. संजय चाकणे यांनी महाविद्यालयाच्या शैक्षणिक वाटचालीत आधुनिक तंत्रज्ञानाचा समावेश करण्याचे महत्त्व अधोरेखित केले. विद्यार्थ्यांना गुणवत्तापूर्ण शिक्षणासोबतच आधुनिक सुविधा उपलब्ध करून देणे आणि त्यांना डिजिटल युगातील बदलांसाठी सक्षम बनविणे, या दृष्टीने अशा उपक्रमांची भूमिका महत्त्वाची असल्याचे त्यांनी स्पष्ट केले. संस्थेचे मुख्य कार्यकारी अधिकारी उत्तमकुमार इंदोरे, उपप्राचार्य प्रा. राजेंद्र लेले, डॉ. सुचेता दळवी आणि प्रा. जुगल नाईक यांच्यासह महाविद्यालयातील संबंधित घटकांच्या सहकार्याने डिजिटल सुविधांच्या विस्ताराला चालना मिळणार आहे. या ॲप मुळे विद्यार्थ्यांना महाविद्यालयाशी संबंधित माहिती सहज उपलब्ध होण्यास मदत होणार असून, महाविद्यालयीन जीवन अधिक सुलभ आणि कार्यक्षम करण्यासाठी या उपक्रमाचा उपयोग होईल. शिक्षण क्षेत्रातील बदलत्या गरजा लक्षात घेऊन विद्यार्थिकेंद्रित सुविधा विकसित करण्याच्या दिशेने हे एक महत्त्वपूर्ण पाऊल आहे. विद्यार्थ्यांची शैक्षणिक प्रगती, सर्वांगीण विकास आणि आधुनिक तंत्रज्ञानाशी सुसंगत शैक्षणिक वातावरणनिर्मिती यांना प्राधान्य देत खडकी शिक्षण संस्था सातत्याने नाविन्यपूर्ण उपक्रम राबवत आहे. ‘ॲप ’ च्या प्रारंभामुळे महाविद्यालयाच्या डिजिटल वाटचालीला नवी दिशा मिळाली असून, भविष्यात विद्यार्थ्यांसाठी अधिकाधिक तंत्रज्ञानाधारित सुविधा उपलब्ध करून देण्याच्या प्रयत्नांना बळ मिळणार आहे. सदर ॲप महाविद्यालयाचे प्राध्यापक विकास जाधवर यांनी तयार केले आहे.