संपादक---- हुसेन मुलाणी
टाइम्स 45 न्युज मराठी
मो.--9730 867 448
श्री शंकर सहकारी साखर कारखाना लिमिटेड सदाशिवनगर सन 2023-24 गळीत हंगामासाठी गाळपास आलेल्या ऊसाची पहिल्या 5 दिवसांची बिले रक्कम रू 2500 प्रति मे टन व बिगर ॲडव्हान्स तोडणी वाहतूक यंत्रणेची बिले सोमवार दिनांक 6/11/2023 रोजी संबंधित सभासद, ऊस उत्पादक शेतकरी व तोडणी वाहतूक कंत्राटदार यांचे बँक खात्यावर जमा करणेत येणार असलेची माहिती कारखान्याचे व्हाइस चेअरमन ॲड. मिलिंद कुलकर्णी यांनी प्रसिद्धी पत्रकाद्वारे दिली. कारखाना व्यवस्थापनाने सर्वात प्रथम हि रक्कम जमा करणेचा निर्णय घेतल्याने शेतकरी व तोडणी वाहतूक कंत्राटदारांमध्ये आनंदाचे वातावरण निर्माण झाले आहे. सभासद तसेच ऊस उत्पादक शेतकऱ्यांच्या सहकार्याने व विश्वासाने कारखाना गाळप हंगाम प्रगतीपथावर असून कारखाना व्यवस्थापनाने 4 लाख मे टन गाळपाचे उद्धिष्ट निर्धारित केले असून सभासद व ऊस उत्पादक शेतकऱ्यांनी आपला सर्व ऊस कारखान्याकडे गाळपास पाठविणेचे आवाहन मिलिंद कुलकर्णी यांनी यावेळी केले.
कोणत्याही टिप्पण्‍या नाहीत:
टिप्पणी पोस्ट करा