*मनोज जरांगे पाटलांच्या उशिरापर्यंत सभा*-- *धाराशिव साताऱ्यात पोलिसांची कारवाई*-- *आयोजकांवर गुन्हे दाखल*.

 

*संपादक---- हुसेन मुलाणी*

*टाइम्स 45 न्युज मराठी*

*मो.--9730 867 448*

                           *रात्री 10 नंतर सभा आयोजित केल्याने मनोज जरांगे पाटील (Manoj Jarange) यांच्या सभांवर पोलिसांनी कारवाई केली आहे*. *धाराशिवमध्ये (Dharashiv) पोलिसांनी आयोजकांवर गुन्हा दाखल केल्याची माहिती समोर येत आहे*. *दरम्यान उशीरा सभा घेतल्याने आणि ध्वनी मर्यादेचं उल्लंघन केल्याने गुन्हे दाखल करण्यात आल्याची माहिती देण्यात आलीये*. *धाराशिवप्रमाणे सातारा जिल्ह्यातही जरांगे पाटलांच्या सभांच्या आयोजकांवर गुन्हे दाखल करण्यात आले आहे*. *जिल्हाधिकारी तसेच जिल्हा दंडाधिकारी धाराशिव यांनी जिल्ह्यात जमावबंदीचे आदेश दिले होते. तरीही धाराशिवमधील वाशीत जरांगे पाटलांच्या सभेचं आयोजन करण्यात आलं होतं*. *प्रवीण आप्पासाहेब देशमुख आणि संदीपान नामदेवराव कोकाटे अशी या आयोजकांची नावे आहेत*. 

*धाराशिवमध्ये जरांगे पाटलांच्या सभेच्या दिवशी रात्री 22.00 ते 23.05 पर्यंत जमावबंदीचे आदेश लागू केले होते. पण याचा कालावधीमध्ये धाराशिवमधील* *वा. सु. हायस्कुल कन्या प्राथमिक शाहा ईट येथे मनोज जरांगे पाटील यांच्या सभेचं आयोजन करण्यात आलं*. *दिलेल्या वेळेपेक्षा अधिक वेळ सभा चालू ठेवून आदेशाचे उल्लघंन करण्यात आल्यामुळे गुन्हा दाखल करण्यात आल्याची माहिती देण्यात आलीये*. 

*साताऱ्यातही गुन्हे दाखल*

*साताऱ्यात जरांगे पाटील यांच्या दोन सभांवर गुन्हे दाखल करण्यात आले आहेत*. *हे दोन्ही गुन्हे उशीरापर्यंत सभा घेतल्यामुळे आणि ध्वनी मर्यादेचं उल्लंघन केल्यामुळे दाखल झाल्याचं सांगण्यात येत आहे*. *साताऱ्यात जरांगे पाटलांची पहिली सभा ही खटाव तालुक्यातील मायणी येथे पार पडली होती. त्यानंतर मराठानगर, कराड, सातारा, मेढा, वाई, महाबळेश्वर आणि प्रतापगड येथे सभांचं आयोजन करण्यात आलं होते*. *यामधील मायणी आणि कराड येथे उशीरा सभा पार पडल्या. या ठिकाणच्या आयोजकांवर गुन्हे दाखल करण्यात आल्याची माहिती देण्यात आली आहे*. 

 

 *रात्री उशीरपर्यंत जरांगे पाटलांच्या सभांचं आयोजन*

*मराठा आरक्षणाच्या मुद्द्यासाठी मनोज जरांगे यांचा महाराष्ट्र दौरा सुरु आहे. त्याच पार्श्वभूमीवर राज्यातील अनेक भागामध्ये मनोज जरांगे यांच्या सभा पार पडतायत. यातील अनेक सभा रात्री उशारीपर्यंत सुरु होत्या*. *धाराशिवमधील वाशी आणि परंडा तसेच सोलापुरातील करमाळा येथील वांगी तालुक्यातील सभा या रात्री उशीरापर्यंत होत्या*, *करमाळ्यातील सभा ही तर संध्याकाळी सात वाजता होणार होती*. *पण या सभेला पोहचण्यासाठी जरांगे पाटलांना पहाटेचे चार वाजले*. *तरीही थंडीत कुडकुडत मोठ्या संख्याने मराठा बांधव सभेसाठी थांबले होते*.

*मनोज जरांगेंचा महाराष्ट्र दौरा*

*मराठा आरक्षणासाठी 24 नोव्हेंबरपर्यंत मनोज जरांगे यांनी सरकारला अल्टिमेटम दिलं आहे*. *परंतु त्यानंतर जर मराठ्यांना आरक्षण दिलं नाही तर सोडणार नाही, असा इशारा देखील जरांगे पाटील त्यांच्य प्रत्येक सभेतून देत असतात*. *त्याच पार्श्वभूमीवर जरांगे पाटलांनी त्यांच्या तिसऱ्या टप्प्यातील महाराष्ट्र दौऱ्याला सुरुवात केली. त्यासाठी राज्यातील प्रत्येक कानाकोपऱ्यात मनोज जरांगे हे मराठा आरक्षणासाठी सभा घेत आहेत*. 

*दरम्यान मनोज जरांगे यांची 19 नोव्हेंबर रोजी रायगडमधील सभा उशारीपर्यंत घेतली*. *देहूमधील सभा तर त्यांनी रात्री पावणे चार वाजता घेतली. तसेच आळंदीमधील सभा पहाटे पावणे चार वाजता संपली*. *पण अद्याप या ठिकाणी जरांगे पाटलांच्या सभांवर कोणत्याही प्रकारची कारवाई करण्यात आली नाही*. *त्यामुळे या ठिकाणी देखील मनोज जरांगे यांच्या सभांचं आयोजन करणाऱ्या आयोजकांवर कारवाई होणार का हे पाहणं महत्त्वाचं ठरेल*. 

     *सौजन्य*

*माहिती.सेवा.ग्रूप.*  

    *पेठवडगाव*