इंदापूर तालुका...... प्रतिनिधी एस. बी. तांबोळी, मोबाईल-8378081147
: इंदापूर येथील एका हाॅटेलमध्ये जेवण करण्यास गेलेल्या तरुणाचा गोळ्या झाडून, कोयत्याने वार करत निर्घृण खून करण्यात आला. रात्री आठच्या सुमारास अचानक गोळीबार झाल्याने एकच खळबळ उडाली. या घटनेत अविनाश धनवे या मोक्कामधील आरोपीचा खून करण्यात आला असल्याचं पोलीस तपासात पुढे आलं आहे. धनवे एक महिन्यापूर्वीच जेलमधून सुटून आला होता. सदर घटनेत सोबत जेवायला बसलेल्या साथीदारानेच घात केल्याची माहिती समोर येत असल्याचे पुणे ग्रामीणचे पोलीस अधीक्षक पंकज देशमुख यांनी दिली आहे. त्यासोबतच त्यांनी या घटनेचा घटनाक्रमही सांगितला आहे.
पुणे ग्रामीणचे पोलीस अधीक्षक पंकज देशमुख यांनी दिलेल्या माहितीनुसार, अविनाश धनवे हा मोक्क्यामधील आरोपी होता. एक महिन्यापूर्वी जेलमधून सुटून आला होता. पंढरपूरला जात असताना इंदापूर येथील एका हॉटेलमध्ये तो साथीदारासह जेवायला थांबला असताना त्याच्यावर अचानक गोळीबार करण्यात आला. त्यानंतर कोयत्याने सपासप वार करुन धनवेची हत्या करण्यात आली. त्याच्यासोबत असणारा जेवण करणारा पण सहकारी या कटात सहभागी असल्याची माहिती आहे. सदर सहकाऱ्याला पोलिसांनी ताब्यात घेतलं असून त्याच्याकडून सखोल चौकशी करण्यात येत आहे.
या प्रकरणात आतापर्यंत १० आरोपींचा सहभाग असल्याचे निष्पन्न झाले असून आरोपींना अटक करण्याची प्रक्रिया सुरु आहे. धनवेचे काही अवैध धंदे होते का?किंवा ही हत्या कशातून झाली? याचा तपास सध्या सुरु आहे. सदर दहा आरोपी विविध गुन्ह्यांमध्ये सहभागी असल्याचं पुढे आले आहे. त्यांच्यावर नेमके कोणते गुन्हे आहेत? याची तपासणी पोलिसांकडून केली जात आहे. तर आरोपींना कठोर शिक्षा होणार असल्याचं पोलिसांनी सांगितलं आहे. अविनाश धनवे हा त्याच्या मित्रांसह एका हॉटेलमध्ये जेवणासाठी थांबलेला होता.
यावेळी अचानक दबा धरून बसलेल्या पाच ते सहा जणांनी त्याच्यावर हल्ला केला.
हल्लेखोरांनी सुरूवातीला त्याच्यावर गोळ्या झाडल्या. त्यानंतर धारदार शस्त्रांनी वार केल्यामुळे त्याच्या जागीच मृत्यू झाला. सदरची घटनेची माहिती मिळताच सगळीकडे खळबळ उडाली. सर्व घटनेचा सी.सी.टी.व्ही.
व्हि.डी.ओ. सोशल मीडियावर व्हायरल झाला आहे.
---------------------------
कोणत्याही टिप्पण्‍या नाहीत:
टिप्पणी पोस्ट करा