केले स्वराज्य निर्माण
रयतेच्या सुखासाठी
छत्रपती शिवराय
उभे जनतेच्या पाठी ॥ १ ॥
न्याय निती प्रामणिक
मनी ज्योत स्वराज्याची
सारा मराठा मुलूख
आस किल्ले जिंकण्याची ॥२ ॥
संगे सोबती मावळे
चर्चा रयतहिताची
किती वर्णावी महती
राजा देव माणसाची ॥३ ॥
राजे ! तुम्ही नसताना
कुठे शोधावा तानाजी
आज दिसेना आम्हां
शूर पराक्रमी बाजी ॥ ४ ॥
राजे ! तुम्ही नसताना
पराक्रम आठवावा
शिवनेरी रायगड
डोळ्यांमध्ये साठवावा ॥ ५ ॥
मनी अखंड प्रेरणा
सांगू किती शौर्यगाथा
थोर दैवता चरणी
आज टेकविते माथा ॥ ६ ॥
कवयित्री
सुवर्णा घोरपडे
संग्रामनगर अकलूज
जि.सोलापूर
कोणत्याही टिप्पण्या नाहीत:
टिप्पणी पोस्ट करा