*विशेष प्रतिनिधी--राजु मुलाणी*
*टाइम्स 45 न्युज मराठी
वादळी वाऱ्यासह झालेल्या पावसाने अनेक भागात नुकसान केले. साताराच्या (महाराष्ट्र) फलटण तालुक्यातही विजांसह पाऊस झाला. फलटण येथील सरडे गावात एका ओला ईलेक्ट्रीक स्कूटरवर वीज पडून एकाचा मृत्यू तर दोनजण गंभीर जखमी झाल्याची घटना समोर आली आहे.
फलटण येथील आयटीआयचे 3 विद्यार्थी ओला ईलेक्ट्रीक स्कूटरवरुन जात होते. यावेळी अचानक विजांच्या कडकडाटसह पावसाला सुरूवात झाली. चालत्या ओला स्कूटरवर विज पडली आहे. जखमी विद्यार्थ्यांना रुग्णालयात दाखल करण्यात आले असून त्यांच्यावर उपचार सुरू आहेत.
मिळालेली माहिती अशी, 11 मे रोजी रोजी सायंकाळी सरडे तालुका फलटण जिल्हा सातारा येथे वीज पडून मोटरसायकल वरील एकाचा मृत्यू व दोन जण जखमी झाले आहेत. दोन्ही जखमींवर गिरीराज हॉस्पिटल बारामती येथे उपचार चालू आहेत व त्यांची प्रकृती स्थिर आहे. विक्रम विजय धायगुडे (राहणार सरडे तालुका, फलटण, जि. सातारा, वय 17), प्रथमेश सुनील भिसे वायसेवाडी (तालुका कर्जत, जि. अहमदनगर, वय 17), मयत नामे ज्ञानेश्वर गहिनीनाथ ढोले (वय 17, राहणार वंजारवाडी खर्डा, ता. जामखेड, जि. अहमदनगर) वरील तिन्ही विद्यार्थी आयटीआय शारदानगर येथे शिक्षण घेत होते.
━━━━━━━━━━
कोणत्याही टिप्पण्‍या नाहीत:
टिप्पणी पोस्ट करा