*टाइम्स 45 न्युज मराठी*
*मो.9730 867 448
पुणे : गेल्या काही दिवसांपासून विद्येचे माहेरघर समजल्या जाणाऱ्या पुण्यात अत्यंत खळबळजनक घटना घडत आहेत.
काही दिवसांपूर्वी पोर्श कार अपघात व पबमध्ये ड्र्ग्सचा वापर होत असल्याच्या घटना घडल्या आहेत.
यामुळे पुणे सध्या क्राईम घटनांमुळे चर्चेत आहे.
अशातच आता पुण्यातून एक धक्कादायक बातमी समोर आली आहे.
पुणे येथील शहर वाहतूक नियंत्रण शाखेतील महीला पोलीस अधिकाऱ्याच्या अंगावर पेट्रोल ओतून जाळण्याचा प्रयत्न करण्यात आल्याची अत्यंत हृदयद्रावक घटना घ़डली आहे.
पुणे शहारतील फरासखाना शहर वाहतूक नियंत्रण शाखेपील पोलीस स्टेशन समोर रात्री ८ च्या सुमारास ही धक्कादायक घटना घडली आहे.
मात्र त्यावेळी पोलीसांनी वेळीच सावधानता बाळगत आरोपीला रोखलं आहे.
तसेच त्या महिला पोलीसाला देखील वाचवल्याने मोठा अनर्थ टळला आहे.
याप्रकरणी आरोपी संजय फकिरा साळवे या आरोपीला पोलीसांनी ताब्यात घेतलं आहे.
आरोपी संजय फकिरा साळवे हा मद्यपान करून नशेत धुंद असलेल्या आरोपीने हा धक्कादायक कृत्य केल्याची घटना समोर आली आहे.
आरोपी संजय हा पिंपरी-चिंचवड येथे राहणारा आहे.
मात्र आरोपीचं मूळ गाव हे जालना असल्याची माहिती समोर आली आहे.
याप्रकरणी विश्रामबाग पोलीसांनी गुन्हा दाखल करत आरोपी संजय फकिरा साळवे याला अटक केली आहे.
*पोलीसांच्या सतर्कतेने मोठा नार्थ टळला* :
यासंदर्भात सविस्तर माहिती अशी की, रात्री ८ च्या सुमारास फरासखाना पोलीस स्टेशनच्या हद्दीत एक धक्कादायक प्रकार घडला आहे.
ड्रिंक अँड ड्राइव्हविरोधात परिसरात कारवाई सुरू होती.
त्यावेळी महिला पोलीसाने तेथे आरोपी संजय याला अडवलं आणि त्यावेळी त्याची चौकशी सुरू केली.
मात्र तेवढ्यात त्याने महिला पोलीसावर पेट्रोल आणि रॉकेल टाकत तिला जाळण्याचा धक्कादायक प्रयत्न केला.
मात्र त्यावेळी तिथे इतर पोलिस होते. त्यांनी हा सर्व प्रकार पाहिला आणि सतर्कतने धाव घेत त्या आरोपीला रोखले आहे.
तसेच महिला पोली साला देखील वाचवलं आहे.
त्यामुळे इतर पोलीसांच्या सतर्कतेने मोठा अनर्थ टळला आणि महिला पोलीसाचाही जीव वाचला आहे.
याप्रकरणी आरोपी संजय फकिरा साळवे याला पोलीसांनी बेड्या ठोक्या आहेत.
तसेच त्याच्याविरोधात गुन्हा देखील दाखल करण्यात आला आहे. तसेच आता याप्रकरणी अधिक तपास सुरू आहे.
कोणत्याही टिप्पण्‍या नाहीत:
टिप्पणी पोस्ट करा