*मंगरूळ ता.तुळजापूर येथे मोहरम उत्साहात साजरा डोळ्याच्या मिरवणुकीने सांगता* * *हिंदू मुस्लिम एकतेचे घडले दर्शन गेल्या अनेक दशकापासून ची परंपरा कायम*

 

*तुळजापूर ---तालुका प्रतिनिधी*

 *चाँदसाहेब शेख

मुस्लिम समाजात मोहरमच्या महिन्यास अनन्य साधारण महत्व असून हजरत इमाम हसन - हुसेन यांना धर्म प्रसार करत असताना आपल्या प्राणाची आहुती द्यावी लागली होती त्यांच्या आठवणी प्रित्यर्थ मोहरम हा सण तुळजापूर तालुक्यातील मंगरूळ येथे हिंदू मुस्लिम बांधव एकत्र येऊन मोठया उत्साहात व धुमधडाक्यात साजरा करतात गेल्या तीन ते चार दशकापासून ही परंपरा अखंडपणे चालू आहे 

         याबाबत सविस्तर वृत्तअसे की इस्लाम धर्मामध्ये मोहरमच्या महिन्यास अनन्य साधारण महत्व असून इस्लाम धर्माचे प्रवर्तक हजरत मोहम्मद पैगंबर यांचे नातू ( नवासा ) हजरत इमाम हसन - हुसेन व सीरिया सुलतान मजीद इबने माविया यांच्यात इराक येथील करबला येथे युद्ध ( जंग )झाली होती धर्मप्रसार करत असताना हसन हुसेन यांच्यासह त्यांच्या ७२ साथीदारांना आपल्या प्राणाची आहुती द्यावी लागली होती यामध्ये लहान मुले , तरुण पुरुष , महिला यांचा समावेश होता विशेष म्हणजे यामध्ये प्रामुख्याने अली असगर नावाच्या ६ महिन्याच्या बालकाचाही समावेश होता 

      या मोहरम घटनेच्या आठवणी प्रित्यर्थ रूढी परंपरेनुसार मोहरमच्या ५ तारखेला मंगरूळ गावात चार ठिकाणी यामध्ये थोरली वेस , धाकटी वेस , मुलतानवाडी , लबडे गल्ली ( मठात ) पंजाची स्थापना करण्यात येत असून मोहरमच्या ९ तारखेला म्हणजे मंगळवार १६ जुलै रोजी रात्री उशिरा गावात तीन ठिकाणी प्रचंड मोठया प्रमाणात अग्नी तयार करून रात्री उशिरा पंजाची मिरवणूक काढण्यात आली व खत्तल साजरी करण्यात आली या सर्व धार्मिक विधीसाठी गावातील सर्वच जाती धर्माच्या लोकांना विविध प्रकारचे मान घालून दिलेले आहेत व ते आज रोजी पर्यंत तंतोतंत पाळले जातात तसेच दुसऱ्या दिवशी बुधवार १७ जुलै म्हणजे मोहरमच्या १० तारखेला सायंकाळी पाच वाजता परत एकदा पंजाची मिरवणूक काढण्यात आली व रात्री परत डोल्यांची मिरवणूक काढून या सर्व आगळ्या वेगळ्या प्रकारच्या कार्यक्रमाची सांगता करण्यात आली हा सर्व कार्यक्रम पाहण्यासाठी गेल्या वीस वर्षांपूर्वी तालुका जिल्ह्यासह परजिल्ह्यातीलही भाविक मोठ्या संख्येने उपस्थित होत होते असे ज्येष्ठ नागरिक आवर्जून उल्लेख करतात या सर्व कार्यक्रमावेळी हैदोस दुल्लl हा खेळ खेळला जातो व 'हसन हुसेन की दोचार हो दिन' अशा गगनभेदी घोषणाही दिल्या जातात आत्तापर्यंत आम्ही सर्व जातीधर्मानी एकत्र येत हा सण साजरा केला आहे व पुढील काळातही गावातील सर्वच जातीधर्माच्या युवकांनी एकत्र येत हा सण मोठया भक्तिभावाने साजरा करावा अशी अपेक्षा गावातील ज्येष्ठ नागरिकांतुन व्यक्त केली जात आहे