*संपादक --टाइम्स 45 न्यूज मराठी*
*मो:-- 9730 867 448
अकलूज येथील सहकार महर्षि शंकरराव मोहिते पाटील इन्स्टिट्यूट ऑफ टेक्नॉलॉजी अँड रिसर्च, शंकरनगर अकलूज या अभियांत्रिकी महाविद्यालयांमध्ये ३ जानेवारी २०२५ ते ८ जानेवारी २०२५ या कालावधीमध्ये "इंटिग्रेटिंग ए. आय. इन अकॅडमी रिसर्च : टूल्स अँड टेक्निक्स" या विषयावर फॅकल्टी डेव्हलपमेंट प्रोग्रॅमचे आयोजन करण्यात आल्याची माहिती महाविद्यालयाचे प्राचार्य डॉ. प्रवीण ढवळे यांनी दिली.
या प्रोग्रॅमचे आयोजन महाविद्यालय विकास समितीच्या अध्यक्षा मा. कु. स्वरूपाराणी जयसिंह मोहिते पाटील यांच्या मार्गदर्शनाखाली शिक्षकांचा संशोधन स्तर उंचाविण्याच्या उद्देशाने केलेले आहे.
सदर फॅकल्टी डेव्हलपमेंट प्रोग्रॅममध्ये संशोधन विभागातील तज्ञ प्राध्यापक डॉ. संतोष राणे (चेअरमन, आय. आय. इ. मुंबई), डॉ. अनिकेत काटवारे (असिस्टंट प्रोफेसर, आय. आय. टी. धारवाड), डॉ. प्रथमेश पोतदार(विभाग प्रमुख, पारुल युनिव्हर्सिटी) तसेच प्रा. पल्लवी डोंगरे (डायरेक्टर, विश्वनिकेतन आय. एम. ई. ई. टी.) व भावेश कुमार पासे (विभाग प्रमुख, विश्वनिकेतन आय. एम. ई. ई. टी.) हे मार्गदर्शन करणार आहेत.
सदर फॅकल्टी डेव्हलपमेंट प्रोग्रॅमचे समन्वयक म्हणून प्रा. ज्योतीराम कपने हे काम पाहत असुन सर्व विभागाचे विभाग प्रमुख यांचे मार्गदर्शनाखाली आयोजन होत आहे. सदर कार्यशाळेस ऑनलाईन पद्धतीने नाव नोदणी करून सहभागी व्हावे असे आवाहन संस्थेचे प्राचार्य यांनी केले आहे.
कोणत्याही टिप्पण्‍या नाहीत:
टिप्पणी पोस्ट करा