*कार्यकारी संपादक एस. बी. तांबोळी मोबाईल नंबर 8378081147
----- जगतगुरु संतश्रेष्ठ तुकाराम महाराज पालखीचा पुणे जिल्ह्यातील शेवटचा मुक्काम सराटी येथे ३० जूनला येणार आहे. महाराजांच्या पादुकांना तीनशे वर्षाच्या परंपरेप्रमाणे नीरा नदीच्या पाण्याने शाही स्नान घालण्यात येणार आहे. अवकाळी पावसाने हजेरी लावल्याने नदीला पाणी वाहू लागल्याने पादुकांचे नीरा स्नान खळखळत्या पाण्यात होणार असल्याने वारकरी भक्तांत आनंदाचे वातावरण निर्माण झाले आहे.
पुणे जिल्ह्यातील शेवटचा सराटी ( ता. इंदापूर ) येथे मुक्कासाठी पालखी सोमवार ३० जूनला येणार आहे. परंपरेप्रमाणे नीरा नदीकाठावर मुक्काम असल्याने पालखीतील लाखो वैष्णवांच्या अंघोळीची सोय व्हावी तसेच महाराजांच्या पादुकांना नदीच्या पाण्याने स्नान घालण्याच्या दृष्टीने मुक्काम केला जातो. मंगळवार १ जुलैला पादुकांच्या निरा स्नानानंतर सकाळी सोलापूर जिल्ह्यातील अकलूजकडे पालखी मार्गस्थ होणार आहे.
मागील काही वर्षात निसर्गाने अवकृपा केल्याने नीरा नदी सतत कोरडी पडत होती. त्यामुळे पादुकांचे नीरा स्नान सलगपणे टॅकरच्या पाण्याने केले जात होते. यावर कायमस्वरुपी उपाय योजना आखण्याचा मानस पालखी काळात प्रशासनाकडून केला जायचा. परंतू पालखी सोहळा पुणे जिल्ह्यातून पुढे मार्गस्थ झाल्यानंतर पुढील वर्षीच पादुका स्नानावेळी सर्वांना त्याची जाग येते. ही बाब गांभीर्याने घेतली जात नसल्याने वारकरी व भक्तांनी नाराजीचा सुर निघत आहे. यावर्षी निसर्गानेच निरा स्नानाची जोरदार तयारी केली.
नीरा नदीतून पालखीतील लाखो वैष्णवांना सहजरित्या पार करता यावा यासाठी बंधारा कम रस्ता करण्यात आला आहे. परंतू बंधाऱ्यावरील स्लॅब उखडला असून दुतर्फा असणारे कठडेही तुटलेले आहेत. पाटबंधारे विभाग प्रतीवर्षी दुरुस्तीच्या नावाखाली लाखो रुपयांचा चुराडा करतात. परंतू नीरा नदी ओलांडताना कोणाला ईजा होऊ नये यासाठी संरक्षक लोखंडी ग्रील उभारणी का करत नाहीत. तर बंधाऱ्या लगत नदीपर्यत जायला सिमेंटचा रस्ता करण्यात आला. परंतू नदीत पादुकांना स्नान घालण्यासाठी सिंमेंटचा कठडा अथवा ओठा करण्यात आला नाही. प्रत्येक वर्षी शेवाळलेल्या पाण्यात उभा राहून अंघोळ घालण्याची वेळ मान्यवरांवर येत आहे.
फोटो - सराटी ( ता. इंदापूर ) येथील नीरा नदीत मौसमी पावसामुळे पाणी आल्याने पादुकांचे स्नान नदीच्या पाण्याने होणार आहे.
.......................................................................
कोणत्याही टिप्पण्‍या नाहीत:
टिप्पणी पोस्ट करा