चैतन्य विद्यालय व श्री सु गो दंडवते कनिष्ठ महाविद्यालय मध्ये प्रजासत्ताक दिन शहीद जवान मेजर कुणाल गिरी गोसावी व शहीद जवान हवालदार हनुमंत करडे यांच्या कुटुंबीयांचा सन्मान

 

इंदापूर तालुका...... प्रतिनिधी एस. बी. तांबोळी, मोबाईल-8378081147

              - येथील चैतन्य विद्यालय व श्री सु.गो. दंडवते कनिष्ठ महाविद्यालयात ७५ वा प्रजासत्ताक दिन उत्साहात साजरा करण्यात आला. यावेळी शहीद जवान मेजर कुणाल गिरी गोसावी (पंढरपूर) व शहीद जवान हवालदार हनुमंत करडे (अकलूज) यांच्या कुटुंबियांचा सन्मान करण्यात आला. शहीद जवान कुणाल गिरी गोसावी यांच्या वीरमाता सौ वृदा मुन्नागिरी गिरी गोसावी यांचा सन्मान करण्यात आला. नीरा नरसिंहपूर येथील शिक्षण प्रसारक मंडळाच्यावतीने सौ.भाग्यश्री दंडवते, कार्यवाह श्रीकांत दंडवते, खजिनदार मगनदास क्षिरसागर, श्यामराज दंडवते, श्रीकृष्ण दंडवते, सूर्यनारायण दंडवते यांच्या हस्ते सन्मान चिन्ह, शाल, श्रीफळ, पुष्पहार व मानधन देऊन सन्मान करण्यात आला. तसेच शहीद जवान हनुमंत करडे अकलूज यांच्या वीर पत्नी मोनिका हनुमंत करडे व मुलगा तुषार करडे यांचा सन्मान शिक्षण प्रसारक मंडळ व श्रीकृष्ण दंडवते परिवार यांच्या संयुक्त विद्यमानाने सन्मान करण्यात आला. 

    सदरचा सन्मान शि.प्र.मंडळ कार्यवाह श्रीकांत दंडवते, सौ.भाग्यश्री दंडवते, श्रीकृष्ण दंडवते, सूर्यनारायण दंडवते, मगनदास क्षिरसागर, शामराज दंडवते, प्राचार्य गोरख लोखंडे यांच्या हस्ते करण्यात आला. याप्रसंगी शहीद जवान कुणाल गिरी गोसावी व शहीद जवान हनुमंत करडे यांच्या लष्करी कार्याचा व योगदानाचा आढावा धनंजय दुनाखे यांनी घेतला. यावेळी विद्यार्थ्यांनी उभे राहून शहीद जवान कुणाल गिरी गोसावी व शहीद जवान हनुमंत करडे यांना मानवंदना अर्पण केली. 

    प्रजासत्ताक सोहळ्याचे ध्वजारोहण शहीद जवान मेजर कुणाल गिरी गोसावी यांच्या मातोश्री वीर माता सौ वृंदा गिरी गोसावी यांच्या हस्ते करण्यात आले. अध्यक्षस्थानी माजी प्राचार्य शि. प्र. मंडळ सदस्य धनंजय दुनाखे सर होते. राष्ट्रीय सोहळ्यामध्ये अनेक विद्यार्थ्यांनी आपले मनोगते व्यक्त केली. त्यामध्ये प्रणव फुलारे, राज मोहिते, ओमदत्त मोहिते, सानवी देवळे, प्रांजली पराडे, सिद्धी महाडिक यांनी देशभक्ती व प्रजासत्ताक दिन विषयी मनोगत व्यक्त केली. तसेच देशभक्तीपर गीतेही सादर करण्यात आली. 

    कार्यक्रमास उपस्थित विद्यार्थी, शिक्षक, ग्रामस्थ यांना श्री. खटकेसर यांनी संविधान शपथ व बालविवाह प्रतिबंधक शपथ दिली. याप्रसंगी मान्यवरांच्या हस्ते रांगोळी स्पर्धा व चित्रकला स्पर्धेतील प्रथम क्रमांकांना बक्षीस व पारितोषिके देऊन प्रमाणपत्र देण्यात आले. चित्रकला स्पर्धेत आकाश नेताजी पावसे, दिव्या भारत पावसे तसेच रांगोळी स्पर्धेत कुमारी यशवंती मनोज मासुळे, ऋतुजा श्रीकांत लावणी, अश्विनी संतोष पराडे, सानिका अभंगराव, राजनंदिनी राजेंद्र इनामदार यांना पारितोषिके देण्यात आली. 

   सदर सोहळ्यात दहावी मार्च २१ वर्षातील कोरोना काळातील दहावीत प्रथम क्रमांक येणाऱ्या तीन विद्यार्थ्यांचा सन्मान संस्थेच्या वतीने करण्यात आला. प्रथम क्रमांक कु. निकिता भाऊसाहेब रानमाळ गुण 99.6% द्वितीय क्रमांक कु. राजनंदिनी संतोष मिसाळ गुण 98.6% तृतीय क्रमांक पल्लवी पांडुरंग सौंदणे 96% या गुणवंत विद्यार्थ्यांचा पदाधिकाऱ्यांच्या हस्ते पारितोषिक देऊन सन्मान करण्यात आला.

   याप्रसंगी शहिद जवानांच्या मातोश्री वीरमाता यांनी मार्गदर्शन करताना पालकांनी आपल्या पाल्याला लष्करात जाऊन देशसेवा करण्याचे संस्कार द्यावेत. विद्यार्थ्यांनी भरपूर व्यायाम करून बलदंड होऊन लष्करात जावे खरी देशसेवा करण्याचे भाग्य मिळते. देशसेवा हीच खरी ईश्वर सेवा. तसेच अध्यक्षीय भाषणात धनंजय दुनाखे यांनी प्रजासत्ताक दिनाचे महत्व व भारत देशाने केलेली प्रगती या विषयी विचार मांडले. या राष्ट्रीय कार्यक्रम सोहळ्यासाठी संस्थेचे पदाधिकारी, मेजर आकाश पांढरे, माजी फौजी मॅन, श्रीकृष्ण दंडवते, सूर्यनारायण दंडवते, खंडाळे सर, प्रभाकर जगताप, सुखदेव जाधव व सर्व आजी-माजी विद्यार्थी उपस्थित होते.

   कार्यक्रमाचे नियोजन प्राचार्य लोखंडे सर व सांस्कृतिक विभाग प्रमुख लावंड सर यांनी केले. कार्यक्रमाचे सूत्रसंचालन अंकुश लावंड यांनी केले. तर आभार कृष्णा खटके यांनी मानले, विद्यार्थ्यांना खाऊ वाटप करून कार्यक्रमाचे सांगता झाली.

---------------------------