साडेतीन मुहूर्तांपैकी एक
सुरुवात मराठी नववर्षाची
ब्रम्हध्वजाची करून पूजा
गुढी उभारू मानवतेची ॥१ "
प्रेम जिव्हाळा आपुलकीला
खरी गरज मायाममतेची
दिखाव्यास नको धारा
गुढी उभारू मानवतेची ॥२ ॥
नवक्रांतीच्या संकल्पाला
गरज समाज परिवर्ताची
स्नेहभाव मनात जपून
गुढी उभारू मानवतेची ॥३ ॥
चैतन्यमय आनंदस्वरूपी
गुढी उभारू नवसंकल्पाची
एकमेकांना समजून घेण्या
गुढी उभारू मानवतेची ॥४ ॥
गुढी विजयाचे प्रतीक
शिकवण जपू संस्कृतीची
पानाफुलांचे तोरण बांधून
गुढी उभारू मानवतेची ॥ ५ ॥
*कवयित्री*
*सुवर्णा घोरपडे*
संग्रामनगर-अकलूज
ता.माळशिरस जि.सोलापूर
*कवयिञी--सुवर्णा घोरपडे*
कोणत्याही टिप्पण्‍या नाहीत:
टिप्पणी पोस्ट करा