*अकलुज - प्रतिनिधी*
*केदार लोहकरे*
*टाइम्स 45 न्युज मराठी
सहकार महर्षि शंकरराव मोहिते-पाटील सहकारी साखर कारखान्यामध्ये आजच्या शुभ मुहूर्तावर संचालिका कु.स्वरूपाराणी जयसिंह मोहिते-पाटील यांचे शुभहस्ते कारखाना कार्यस्थळावर गळीत हंगाम २०२४-२५ करीता बैलगाडी,बजाट,ट्रक,ट्रॅक्टर व ऊस तोडणी यंत्र यांचे तोडणी वाहतूक करारांचा शुभारंभ करणेत आला.
कारखान्याचे मार्गदर्शक संचालक व महाराष्ट्र राज्याचे माजी उपमुख्यमंत्री विजयसिंह शंकरराव मोहिते-पाटील यांचे कुशल मार्गदर्शनाखाली व चेअरमन जयसिंह शंकरराव मोहिते-पाटील यांच्या कुशल नेतृत्वाखाली कारखाना प्रगतीपथावर वाटचाल करीत आहे.
सहकार महर्षि कारखान्याकडे गत हंगाम २०२३-२४ मध्ये ऊस तोडणी वाहतूकीचे काम केलेल्या वाहन मालक यांचे बँक खातेवर ऊस तोडणी वाहतूकीमध्ये ३४% प्रमाणे झालेल्या दरवाढ फरकाची रक्कम वर्ग केली असलेची माहिती कारखान्याच्या संचालिका कु.स्वरूपाराणी जयसिंह मोहिते- पाटील यांनी दिली.
गळीत हंगाम २०२४-२५ करीता बैलगाडी,बजाट,ट्रक, ट्रॅक्टर व ऊस तोडणी यंत्राचे मालक व ठेकेदार यांनी जास्तीत जास्त तोडणी वाहतूकीचे करार करून गाळप हंगाम यशस्वीपणे पार पाडण्यासाठी सहकार्य करावे असे आवाहन कारखान्याचे कार्यकारी संचालक राजेंद्र चौगुले यांनी केले.या प्रसंगी बैलगाडी, बजाट,ट्रक,ट्रॅक्टर व ऊस तोडणी यंत्राचे मालक व ठेकेदार तसेच अधिकारी व कर्मचारी उपस्थित होते.
कोणत्याही टिप्पण्‍या नाहीत:
टिप्पणी पोस्ट करा