*विशेष ----प्रतिनिधी*
*एहसान मुलाणी*
*टाइम्स 45 न्युज मराठी*
*मो--9096 837 451
मुंबई :--धनगर समाजाला एसटीमध्ये आरक्षण मिळावे यासाठी २३ तारखेला राज्यभर रास्ता रोको करण्यात येणार असल्याची माहिती भाजप आमदार गोपीचंद पडळकर यांनी दिली. यासाठी सर्वांनी एकत्र यावे असे आवाहन पडळकरांनी धनगर समाजाला केले आहे. सरकारमध्ये जरी असलो तरी आधी मी समाजाचा असल्याचे गोपीचंद पडळकर म्हणाले. आदिवासी समाज आरक्षणाबाबत गरज नसताना जर आक्रमक होत असेल तर धनगर समाज सुद्धा आपली ताकद येत्या सोमवारी दाखवेल असे पडळकर म्हणाले.
मी सरकारमध्ये जरी असलो तरी सरकारच्या विरोधात आंदोलन का करतोय तर मी आधी समाजाचा असल्याचे पडळकर म्हणाले. सरकार सगळ्या बाबतीत सकारात्मक आहे, मी तशा प्रकारची कागदपत्र सुद्धा सरकारकडे दिली असल्याचे ते म्हणाले. शासन निर्णय करताना कधी कुठली प्रोसेस आहे या सगळ्या बाबतची माहिती आम्हाला समितीकडून मिळाली असल्याचे पडळकर म्हणाले. आदिवासी नेते आणि काहीजण मुद्दामून सरकारवर जीआर निघू नये यासाठी दबाव टाकत आहेत. आम्ही आदिवासी नेत्यांना विनंती करतो की आमच्या सोबत आणि सरकार सोबत चर्चा करा असे पडळकर म्हणाले.
आदिवासी समाजाच्या आरक्षणाला कुठेही धक्का लागणार नाही, हे आम्ही लिहून दिले आहे. सर्वोच्च न्यायालयाने निर्देश दिले आहेत, त्यानुसार एसटीमध्ये वर्ग करून आम्हाला आमचे आरक्षण मिळणार आहे. आदिवासी नेते जर म्हणत असतील आम्ही पाणी कट करू, रूळ उखडून टाकू तर आम्ही सुद्धा मागे राहणार नाही. आम्ही येत्या सोमवारी २३ तारखेला सकाळी ११ वाजता राज्यभर रास्ता रोको आंदोलन करणार आहोत, असेही पडळकर म्हणाले
कोणत्याही टिप्पण्या नाहीत:
टिप्पणी पोस्ट करा