गणेश पाटील यांना" शहीद वीर भगतसिंग राष्ट्रीय पुरस्कार "प्रदान

 

संपादक --टाइम्स 45 न्यूज मराठी

मो:-- 9730 867 448

लातूर शहरात आयोजित भव्य सोहळ्यात अखिल भारतीय भ्रष्टाचार निर्मूलन संघर्ष समिती व ब्रिक्स ह्युमन राईट्स मिशन तर्फे "शहीद वीर भगतसिंग राष्ट्रीय पुरस्कार" प्रदान करण्यात आला. या सोहळ्यात तुळजापूर शहरातील सुपुत्र, समाजकारणात आघाडीवर असलेले गणेश प्रभाकर पाटील यांना सन्मानपत्र देऊन गौरविण्यात आले. भ्रष्टाचार निर्मूलन, सामाजिक कार्य तसेच जनतेच्या हक्कांसाठी त्यांनी केलेल्या अथक प्रयत्नांची दखल घेत हा पुरस्कार त्यांच्या मानार्थ देण्यात आला.

गणेश प्रभाकर पाटील यांनी अल्पावधीतच समाजातील अन्यायाविरुद्ध सातत्याने आवाज उठवला. सामान्य जनतेच्या अडचणी सोडविण्यासाठी त्यांनी दाखवलेली जिद्द, चिकाटी व तळमळ यामुळे समाजात त्यांचे कार्य आदर्शवत ठरले आहे. भ्रष्टाचार निर्मूलनासाठी लढा उभारणे, प्रशासनाचे लक्ष वेधणे व सामान्य माणसाच्या बाजूने ठामपणे उभे राहणे या सर्व बाबींमुळे ते समाजात विश्वासाचे प्रतीक ठरले आहेत.

कार्यक्रमात बोलताना आयोजकांनी सांगितले की, भ्रष्टाचारविरोधी लढ्यात पाटील यांचे योगदान प्रेरणादायी असून त्यांनी दाखवलेली प्रामाणिकता व निडरता नव्या पिढीसाठी मार्गदर्शक आहे. त्यांच्या कार्यामुळे युवकांमध्ये आत्मविश्वास, प्रामाणिकपणा व संघर्षशीलतेचा संदेश जात आहे.

या सोहळ्यातील उपस्थित मान्यवरांनी पाटील यांच्या यशाचे कौतुक करताना म्हटले की, लातूर जिल्हा तसेच संपूर्ण मराठवाडा गणेश प्रभाकर पाटील यांच्यासारख्या लढवय्या समाजसेवकांमुळे नावलौकिक प्राप्त करत आहे. यापुढेही ते समाजकार्यात अधिक जोमाने पुढे जाऊन कार्यरत राहतील, असा विश्वास त्यांनी व्यक्त केला.

"शहीद वीर भगतसिंग राष्ट्रीय पुरस्कार" हा देशातील नामांकित व प्रतिष्ठेचा पुरस्कार मानला जातो. समाजहित, प्रामाणिकता आणि नि:स्वार्थी सेवेसाठी कार्य करणाऱ्या व्यक्तींना हा पुरस्कार देण्यात येतो. गणेश प्रभाकर पाटील यांना हा पुरस्कार मिळणे म्हणजे त्यांच्या कार्याचा राष्ट्रीय स्तरावर गौरव असल्याचे स्पष्ट झाले. या सन्मानामुळे त्यांच्या कार्याला आणखी नवे बळ मिळेल यात शंका नाही.

 *धाराशिव टीमचा भव्य गौरव* 

या कार्यक्रमाचे आणखी एक वैशिष्ट्य म्हणजे संपूर्ण धाराशिव जिल्ह्याचा भव्य गौरव करण्यात आला. मागील चार वर्षांपासून आंदोलन, जनजागृती आणि जनतेच्या हक्कांसाठी लढणारा धाराशिव जिल्हा आज राज्यात एक नंबरचा जिल्हा म्हणून ओळखला जातो. सर्वाधिक यशस्वी आंदोलन उभारणारा व लोकांच्या समस्यांवर मार्ग काढणारा जिल्हा म्हणून धाराशिवने विशेष स्थान मिळवले आहे.

गणी मुलानी दत्ता सोनवणे, बाळासाहेब पाटील, निर्मला सुरवसे, लताताई आगळे, गवळी मावशी, सारिका चुंगे, पंडित जळकुटे, काका जाधव, किरण मराठी, बालाजी जाधव, भागवत मामा यांच्यासह संपूर्ण धाराशिव टीमचा भव्य सत्कार करण्यात आला. या प्रसंगी जिल्ह्यातील सर्व पदाधिकारी मोठ्या संख्येने उपस्थित होते. त्यांच्या कार्यामुळे आज धाराशिवचे नाव राज्याच्या पातळीवर अग्रक्रमाने घेतले जाते.

धाराशिव टीमने केवळ आंदोलन उभे केले नाहीत तर जनतेच्या मूलभूत प्रश्नांवर सातत्याने आवाज उठवला. शेतकऱ्यांच्या अडचणी, बेरोजगार युवकांचे प्रश्न, महिला सबलीकरण, आरोग्य व शिक्षण क्षेत्रातील सुधारणा यावर त्यांनी सातत्याने लक्ष केंद्रित केले. त्यांच्या प्रयत्नांमुळे शासन यंत्रणेचे लक्ष या प्रश्नांकडे वेधले गेले व अनेक प्रलंबित प्रश्न मार्गी लागले.

या टीमच्या कार्यामुळे जनतेमध्ये नवा आत्मविश्वास जागृत झाला असून "हक्कासाठी लढा" ही संकल्पना मजबूत झाली आहे. आंदोलनांमध्ये महिलांचा व तरुणांचा मोठ्या प्रमाणावर सहभाग मिळवून धाराशिव टीमने संघर्षाला नवा आयाम दिला आहे. आज राज्यभर धाराशिव जिल्ह्याच्या कार्याची चर्चा होत असून, हा जिल्हा आंदोलनांचा गड मानला जातो.

मान्यवरांनी या वेळी धाराशिव टीमच्या कार्याची मुक्तकंठाने प्रशंसा करत, भविष्यात देखील हीच जिद्द कायम ठेवून समाजहितासाठी सतत संघर्षरत राहतील, अशी अपेक्षा व्यक्त केली. धाराशिव टीममुळे जिल्ह्याचे नाव केवळ राज्यातच नव्हे तर राष्ट्रीय पातळीवरही पोहोचले असल्याचे गौरवोद्गार उपस्थित मान्यवरांनी काढले.

सदर सन्मानपत्रावर अखिल भारतीय भ्रष्टाचार निर्मूलन संघर्ष समितीचे राष्ट्रीय अध्यक्ष प्रदीप बाबा खंडापूरकर व राष्ट्रीय अध्यक्षा महिला शाखा डॉ. कविता रायजादा यांच्या स्वाक्षऱ्या असून लातूर येथे 18 सप्टेंबर रोजी हा पुरस्कार सोहळा पार पडला.

गणेश प्रभाकर पाटील व धाराशिव टीम या दोघांच्याही कार्यामुळे समाजातील सामान्य माणसाच्या समस्यांना नवा आवाज मिळाला असून, यापुढेही या कार्यकर्त्यांकडून समाजहितासाठी नवे प्रबोधन व लढ्याची प्रेरणा मिळत राहील, असा विश्वास सर्व स्तरांतून व्यक्त करण्यात आला.