इंदापूर नगराध्यक्ष पदासाठी प्रदीप गारटकर यांच्या उमेदवारीची कार्यकर्त्याकडून मागणी

 सहसंपादक- डॉ-संदेश शहा इंदापूर 

टाइम्स 45 न्यूज मराठी

  मो:-- 9922419159

ऐतिहासिक इंदापूर शहराच्या सर्वांगीण विकासासाठी शहरातील राष्ट्रवादी काँग्रेस पक्षाचे ( अजित पवार गट ) पुणे जिल्हाध्यक्ष प्रदीप गारटकर यांनाच नगराध्यक्ष पदाची उमेदवारी द्यावी अशी आग्रही मागणी पक्ष कार्यकर्त्यांकडून करण्यात आली आहे. या संदर्भात झालेल्या पत्रकार परिषदेत कार्यकर्त्यांनी आपले स्पष्ट मत मांडले.

इंदापूर नगरपरिषदेचे माजी नगराध्यक्ष विठ्ठलराव ननवरे, माजी

उपनगराध्यक्ष धनंजय बाब्रस यांच्या प्रमुख उपस्थितीत ही पत्रकार परिषद संपन्न झाली. माजी नगराध्यक्ष विठ्ठलराव ननवरे म्हणाले, इंदापूर शहराच्या सर्वांगीण विकासासाठी प्रदीप गारटकर यांचे अनुभवसंपन्न नेतृत्व उपयुक्त ठरेल, अशी कार्यकर्त्यांची भावना आहे. एकमुखी निर्णयाने श्री. गारटकर यांचे नाव पुढे करण्यात आले असल्याचेही त्यांनी सांगितले.

श्री. ननवरे पुढे म्हणाले,

प्रदीप गारटकर हे सन १९९२ पासून इंदापूरच्या राजकारणात सक्रिय असून, नगरपालिकेच्या कामकाजाचा त्यांना मोठा अनुभव आहे. शहराच्या विकासासाठी त्यांनी विविध उपक्रमांद्वारे अमूल्य योगदान दिल्याचा उल्लेख यावेळी करण्यात आला. श्री.

गारटकर यांच्या मार्गदर्शनाखाली इंदापूर नगर परिषदेने तीन वेळा पंचवार्षिक निवडणुकीत सत्ता मिळवून यशस्वी कामगिरी करत शहर विकासास दिशा दिली आहे. शहराच्या सध्याच्या गरजा लक्षात घेता त्यांच्या नेतृत्वाची पुन्हा आवश्यकता जाणवत आहे.”

माजी उपनगराध्यक्ष धनंजय बाब्रस म्हणाले, “ प्रदीपदादा गारटकर यांनी उमेदवारीबाबत कोणताही अधिकृत निर्णय घेतला नसला तरी त्यांनी नगराध्यक्ष पदाची निवडणूक लढवून जिंकावी अशी कार्यकर्त्यांची इच्छा आहे. त्यांनी नगराध्यक्ष पदाच्या उमेदवाराची जबाबदारी स्वीकारावी असे सर्व कार्यकर्त्यांचे आवाहन आहे. केंद्र व राज्यात पक्ष सत्तेत आहे. त्यामुळे सरकारच्या सर्व योजना पात्र लाभार्थ्यांपर्यंत पोहोचविण्यासाठी आम्ही प्रदीपदादा गारटकर यांच्या नेतृत्वाखाली काम करू अशी ग्वाही त्यांनी दिली.

माजी नगरसेवक अनिल राऊत म्हणाले, “ सन १९९२ पासून प्रदीपदादा गारटकर यांच्या नेतृत्वाखाली शहरात झालेले विकासकाम लक्षात घेता त्यांना उमेदवारी मिळावी, अशी आमची भूमिका आहे.”

प्रदीप गारटकर यांच्या निर्णयाची प्रतीक्षा.

पत्रकार परिषदेत कार्यकर्त्यांनी पक्षाचे अध्यक्ष, राज्याचे उपमुख्यमंत्री तथा पक्षश्रेष्ठी अजितदादा पवार आणि कृषीमंत्री तसेच इंदापूरचे आमदार दत्तात्रय भरणे यांना या मागणीविषयी लवकरच भेटून कार्यकर्त्यांचा एकमुखी निर्णय कळविण्यात येईल.

दरम्यान प्रदीप गारटकर यांनी मात्र याबाबत कोणताही अधिकृत प्रतिसाद दिलेला नसून, “कार्यकर्त्यांच्या भावनेचा आदर ठेवला जाईल,” अशी ग्वाही त्यांनी दिली.

                        ऍडव्हर्टाईस