*कळंब -धाराशिव--प्रतिनिधी*
*बिलाल कुरेशी*
*टाइम्स 45 न्यूज मराठी*
पंचायत समिती निवडणुकीच्या राजकीय रणांगणात नव्या दमाचा आणि सर्वसामान्यांचा आवाज म्हणून ओळख असलेले सिकंदर भाई कुरेशी यांनी शिवसेना (उद्धव बाळासाहेब ठाकरे) गटातून निवडणूक लढवण्याची तयारी दर्शवली आहे.
सामाजिक कार्य, युवकांशी थेट संवाद आणि तळागाळातील प्रश्नांची जाण असलेले सिकंदर भाई कुरेशी हे नाव आता परिसरात चर्चेचा विषय ठरत आहे. शिक्षण, रोजगार, रस्ते, पाणीपुरवठा व आरोग्य यांसारख्या मूलभूत प्रश्नांवर त्यांनी नेहमीच ठाम भूमिका घेतली आहे.
शिवसेनेच्या विचारधारेवर निष्ठा ठेवत “सामान्य माणसाचा कारभार” हे ब्रीद घेऊन काम करणारे सिकंदर भाई यांनी पंचायत समितीच्या माध्यमातून विकासाला नवी दिशा देण्याचा संकल्प व्यक्त केला आहे. त्यांच्या इच्छुकतेमुळे तरुण वर्गात विशेष उत्साहाचे वातावरण निर्माण झाले आहे.
स्थानिक नागरिक, कार्यकर्ते आणि युवक वर्गाकडून त्यांना मोठा पाठिंबा मिळत असून, आगामी निवडणुकीत सिकंदर भाई कुरेशी हे एक मजबूत आणि प्रभावी उमेदवार ठरू शकतात, अशी चर्चा राजकीय वर्तुळात रंगू लागली आहे.
कोणत्याही टिप्पण्या नाहीत:
टिप्पणी पोस्ट करा