*मुख्यसंपादक*
*टाइम्स 45 न्यूज मराठी*
*मो:-9730867448*
अकलूज नगरपरिषद हद्दीतील शनि मंदिर पाठीमागील निवासी भागातील गेल्या अनेक वर्षांपासून प्रलंबित असलेला ड्रेनेज पाईप लाईनचा गंभीर प्रश्न अखेर निकाली निघाला आहे. भारतीय जनता पार्टी अकलूज शहरचे सरचिटणीस अमोल बाळासाहेब माने (प्रभाग क्रमांक ५) यांनी केलेल्या सातत्यपूर्ण आणि आक्रमक पाठपुराव्यामुळे या भागातील ड्रेनेजचे काम आता अंतिम टप्प्यात आले असून, स्थानिक नागरिकांनी सुटकेचा श्वास सोडला आहे.
या संदर्भात सविस्तर वृत्त असे की, शनि मंदिराच्या पाठीमागे असलेल्या निवासी भागात ड्रेनेज लाईनअभावी नागरिकांना मोठ्या प्रमाणावर सांडपाण्याच्या समस्येचा सामना करावा लागत होता. गेल्या अनेक वर्षांपासून हा प्रश्न प्रलंबित असल्याने परिसरात आरोग्याचा आणि स्वच्छतेचा प्रश्न निर्माण झाला होता. स्थानिक रहिवाशांची ही गैरसोय पाहून भाजप सरचिटणीस अमोल माने यांनी पुढाकार घेतला. त्यांनी या समस्येचे गांभीर्य ओळखून थेट नगरपरिषद प्रशासनाकडे निवेदनाद्वारे आणि प्रत्यक्ष भेटी गाठी घेऊन ड्रेनेज पाईप लाईन तात्काळ मंजूर करण्याची आग्रही मागणी केली होती.
अमोल माने यांनी प्रशासनाकडे लावलेल्या या कायदेशीर आणि आग्रही तगाद्याची दखल घेत नगरपरिषदेने या कामाला मंजुरी दिली. सध्या या ड्रेनेज पाईप लाईनचे काम अत्यंत युद्धपातळीवर सुरू असून ते अंतिम टप्प्यात पोहोचले आहे.
गेल्या अनेक वर्षांपासून रखडलेला हा विकासकामांचा प्रश्न मार्गी लावल्याबद्दल आणि प्रभाग क्रमांक ५ मधील नागरिकांना दिलासा दिल्याबद्दल अमोल माने यांचे शनि मंदिर परिसरातील नागरिकांकडून जाहीर आभार मानले जात असून, त्यांच्या या लोकहितकारी कामाचे सर्वत्र कौतुक होत आहे.
"शनि मंदिर पाठीमागील निवासी भागातील ड्रेनेजचा प्रश्न अनेक वर्षांपासून रेंगाळला होता. नागरिकांना होत असलेला त्रास अत्यंत वेदनादायी होता. आम्ही प्रशासनाकडे रीतसर निवेदन देऊन हा प्रश्न प्राधान्याने सोडवण्याची मागणी केली होती. आज हे काम अंतिम टप्प्यात असल्याचे पाहून समाधान वाटते आहे. प्रभागातील नागरिकांच्या प्रत्येक समस्येसाठी आम्ही सदैव तत्पर आहोत."
— अमोल बाळासाहेब माने (सरचिटणीस, भाजप अकलूज शहर / प्रभाग क्रमांक ५)
कोणत्याही टिप्पण्या नाहीत:
टिप्पणी पोस्ट करा