*करमाळा तालुका --प्रतिनिधी*
*आलिम शेख*
*टाइम्स 45 न्यूज मराठी*
-करमाळा तालुक्यातील हिसरे येथील ग्रामदैवत मरीमाता आई यांची यात्रा येत्या 31 जुलै 2026 शुक्रवारी होणार असल्याची माहिती हिसरे ग्रामस्थ तसेच जत्रा कमिटीने दिली आहे.
याबाबत यात्रा कमिटीने अधिक माहिती देताना सांगितले की करमाळा तालुक्यातील हिसरे येथील ग्राम दैवत मरी माता आई यांची यात्रा प्रति वर्षी प्रमाणे याही वर्षी येत्या शुक्रवारी असून याच दिवशी गावातील ज्ञानदेव लोंढे हे बारा गाड्या ओढण्याचा कार्यक्रम करणार आहे.
गाड्या ओढण्याच्या कार्यक्रमाला करमाळा तालुक्यातील असंख्य भक्ती गण मोठ्या संख्येने उपस्थित असतात. याच दिवशी गावातील प्रत्येक भक्तगणाच्या घरी कंदुरी चा कार्यक्रम असतो. याचा मनमुरांदपणे भाविक आस्वाद घेतात.
सदर यात्रेमध्ये मुस्लिम बांधव देखील मोठ्या संख्येने सहभागी असतात. प्रति वर्षाप्रमाणे याही वर्षी सदरची यात्रा मोठ्या उत्साहात संपन्न होणार असून सदर यात्रेला करमाळा तालुक्यातील अनेक भक्तगण तसेच पुणे मुंबई ठाणे अहिल्यानगर धाराशिव परंडा सोलापूर येथील भक्तगण देखील मोठ्या संख्येने हजेरी लावतात.
सदर जत्रेच्या कार्यक्रमाला भाविकांनी मोठ्या संख्येने उपस्थित राहून जत्रेची शोभा वाढवावी असे आवाहन हिसरे येथील ग्रामस्थ तसेच यात्रा कमिटीने केली आहे.
कोणत्याही टिप्पण्या नाहीत:
टिप्पणी पोस्ट करा