*मुख्य संपादक*
*टाइम्स 45 न्यूज मराठी*
*मो:-9730867448*
तुळजापूर तालुक्यातील मौजे तामलवाडी येथे दुष्काळ, वाढती बेरोजगारी आणि महागाईच्या पार्श्वभूमीवर ग्रामीण भागात चोरी, दरोडे व जीवितहानीच्या घटना वाढू नयेत यासाठी तामलवाडी येथील माजी सैनिक व आशा बहुउद्देशीय सेवाभावी संस्थेचे संस्थापक अध्यक्ष श्री सावंत शिवाजी रामकृष्ण यांनी पुढाकार घेतला आहे.
गावाच्या सुरक्षेसाठी ग्रामपंचायत मार्फत गावातील मुख्य प्रवेशद्वार, बाजार चौक, ग्रामपंचायत चौक, शाळा, मंदिर, पाण्याची टाकी व बस थांबा तसेच गावात येणारे सर्व रस्ते त्या परिसरात उच्च क्षमतेचे, रात्रीतही दिसणारे सीसीटीव्ही (गुप्त पाळत ठेवणारी यंत्रणा) तात्काळ बसविण्यात यावेत, अशी मागणी त्यांनी केली आहे.
*सर्वच अधिकाऱ्यांना एकाच वेळी ई-मेल - डिजिटल जागरूकतेचा आदर्श*
श्री सावंत यांनी आपले निवेदन पारंपरिक पद्धतीने न देता आधुनिक व पारदर्शक पद्धतीचा अवलंब केला. त्यांनी
मा. पालकमंत्री प्रताप सरनाईक, मा. जिल्हाधिकारी, धाराशिव,
मा. मुख्यकार्यकारी अधिकारी, जि.प. धाराशिव, मा. गटविकास अधिकारी, तुळजापूर, मा. प्रशासक/ग्रामसेवक, ग्रामपंचायत तामलवाडी व मा. सहायक पोलीस निरीक्षक, पोलीस स्टेशन तामलवाडी या सर्वांना एकाच वेळी अधिकृत ई-मेल आयडीवर दि. २४ ऑक्टोबर २०२६ रोजी डिजिटल निवेदन पाठविले आहे.
*निवेदनात काय आहे ?*
१. दुष्काळामुळे शेती व जनावरांच्या चाऱ्याचा प्रश्न गंभीर झाला आहे.
२. सुशिक्षित बेरोजगार व महागाईमुळे रोख रक्कम, दागिने, धान्य व सार्वजनिक मालमत्तेच्या चोऱ्या वाढण्याची भीती आहे.
३. या पार्श्वभूमीवर महिला, लहान मुले व वृद्धांच्या सुरक्षिततेसाठी सीसीटीव्ही यंत्रणा अत्यावश्यक आहे.
४. पंधराव्या वित्त आयोगाच्या निधीतून व ग्रामपंचायतीच्या स्व-उत्पन्नातून ग्रामसभेचा ठराव घेऊन हे काम करावे.
५. माहिती तंत्रज्ञान कायदा २००० व महाराष्ट्र ग्रामपंचायत अधिनियम १९५८ चे पालन करून ध्वनीचित्र साठा ३० दिवस सुरक्षित ठेवावा व केवळ सुरक्षेसाठीच वापरावा, अशी कायदेशीर तरतूदही त्यांनी निवेदनात नमूद केली आहे.
"गावात चोर व दरोडेखोरांपासून नागरिकांचे संरक्षण करणे व संभाव्य जीवितहानी टाळणे हा एकमेव हेतू आहे. गाव सुरक्षित तर नागरिक सुरक्षित. प्रशासनाने यावर तात्काळ कार्यवाही करावी," असे मत श्री सावंत शिवाजी रामकृष्ण यांनी व्यक्त केले.
त्यांच्या या जागरूक व कायद्याला धरून केलेल्या मागणीचे गावातील नागरिकांकडून स्वागत होत असून, एका माजी सैनिकाने दाखवलेली ही सामाजिक बांधिलकी व डिजिटल साक्षरता इतरांसाठी प्रेरणादायी ठरत आहे
कोणत्याही टिप्पण्‍या नाहीत:
टिप्पणी पोस्ट करा