*मुख्य संपादक*
*टाइम्स 45 न्यूज मराठी*
*मो:-9730867448*
धाराशिव जिल्ह्याचे प्रवेशद्वार असलेल्या तुळजापूर तालुक्यातील मौजे तामलवाडी येथील ग्रामपंचायत कार्यालयाची इमारत सन २००२ साली बांधलेली असून अत्यंत जीर्ण व मोडकळीस आलेली आहे. पावसाळ्यात छताचा आतील भाग अनेक ठिकाणी कोसळत असून, संपूर्ण इमारती दुरुस्त करूनही इमारतीमध्ये पावसाळ्यात पाणी गळत असते, सुदैवाने आजपर्यंत कोणतीही जीवितहानी झालेली नाही, मात्र भविष्यात मोठी दुर्घटना होण्याची दाट शक्यता आहे. या पार्श्वभूमीवर गावचे भूमिपुत्र, *माजी सैनिक श्री. सावंत शिवाजी रामकृष्ण तथा संस्थापक अध्यक्ष, आशा बहुउद्देशीय सेवाभावी संस्था, तामलवाडी* यांनी महाराष्ट्र शासनाकडे नवीन इमारतीसाठी ठोस मागणी केली आहे.
श्री. सावंत यांनी *मा. जिल्हाधिकारी साहेब, धाराशिव, मा. विभागीय आयुक्त साहेब, छत्रपती संभाजीनगर आणि मा. मुख्यमंत्री साहेब, मंत्रालय मुंबई* यांच्याकडे दिनांक ०९ ऑक्टोबर २०२६ रोजी निवेदन दाखल केले आहे. सोबत जुनी व नवीन प्रस्तावित इमारतीचे फोटो जोडले आहेत.
*शासकीय नियमानुसार निर्लेखन प्रस्ताव प्रक्रिया पूर्ण:*
या मागणीला अधिक बळ मिळाले आहे ते ग्रामपंचायतीने यापूर्वीच (दिनांक १७/०४/२०२६) केलेल्या कार्यवाहीमुळे पंचायत समिती तुळजापूर कडे सादर करण्यात आलेल्या ग्रामपंचायत इमारतीचा समावेश 'अत्यंत धोकादायक इमारत' म्हणून करण्यात आला आहे. गटविकास अधिकारी, पंचायत समिती तुळजापूर यांनी हा अहवाल सादर केला आहे. त्यानुसार ग्रामपंचायत इमारत (२००२) सह गावातील ९ इमारती धोकादायक घोषित झाल्या आहेत. महत्वाचे म्हणजे, *असेसमेंट लिस्ट (नमुना नं. ८) नुसार* ग्रामपंचायतीकडे स्वतःची *स. नं. ३७९, क्षेत्र ३९२० चौ. फूट* जागा उपलब्ध असून, जी नवीन इमारतीसाठी आवश्यकतेपेक्षा जास्त आहे. त्यामुळे जागेचा प्रश्नच नाही.
*कशी असेल नवीन प्रस्तावित दोन मजली इमारत?*
गावात झपाट्याने होत असलेल्या औद्योगीकरणामुळे गावाची लोकसंख्या वाढल्याने सध्याच्या इमारतीत प्रशासनाला जागा अपुरी पडत आहे. प्रस्तावित नवीन इमारत ही पूर्णपणे अत्याधुनिक व सर्वसमावेशक असेल.
- *तळमजला:* प्रशस्त सभा हॉल, मुख्य कार्यालय, संगणक कक्ष, रेकॉर्ड रूम
- *पहिला मजला:* सरपंच कक्ष, ग्रामसेवक कक्ष, स्वतंत्र मीटिंग हॉल
- *विशेष सोयी-सुविधा:* दिव्यांगांसाठी रॅम्प, ५ KW सोलर पॅनल यंत्रणा, शुद्ध पिण्याचे पाणी, स्वच्छतागृह, सुशोभित बाग आणि प्रशस्त पार्किंग. सर्व नागरिक, विशेषतः महिला, ज्येष्ठ नागरिक आणि दिव्यांग बांधवांसाठी सर्व सुविधा उपलब्ध असतील.
*अंदाजपत्रकीय खर्च:*
सादर अर्जात श्री. सावंत यांनी सविस्तर अंदाजपत्रक दिले आहे.
- *बांधकाम क्षेत्र:* अंदाजे २५०० ते ३००० चौ. फूट (दोन्ही मजले मिळून)
- *शासनाच्या २५/१५, जनसुविधा व जिल्हा नियोजन योजनेनुसार दर:* रु. ७५ लाख ते १ कोटी २० लाख
- *सोलर + रॅम्प + गार्डन सह त्यांच्या डिझाईननुसार एकूण खर्च:* रु. ९५ लाख ते १.१० कोटी
त्याचे विभाजन - RCC दोन मजली बांधकाम ६५ लाख, सोलर सिस्टीम ४ लाख, फर्निचर, संगणक, इलेक्ट्रिक ८ लाख, रॅम्प, टाईल्स, गार्डन, कंपाउंड १० लाख, एकूण ८७ ते ९५ लाख. हा निधी *२५/१५, बळीराजा, किंवा विशेष अनुदान* योजनेतून मंजूर करावा, अशी मागणी करण्यात आली आहे.
एक माजी सैनिक म्हणून गावच्या सुरक्षेची आणि विकासाची काळजी घेत श्री. सावंत यांनी केलेली ही मागणी ग्रामस्थांमधून कौतुकास्पद ठरत असून, शासनाने यावर सकारात्मक निर्णय घेऊन तामलवाडीकरांना न्याय द्यावा, अशी अपेक्षा व्यक्त होत आहे.
*(सोबत: जुनी मोडकळीस आलेली इमारत आणि नवीन प्रस्तावित इमारतीचा फोटो)*
कोणत्याही टिप्पण्‍या नाहीत:
टिप्पणी पोस्ट करा