लक्ष्मीबाई कन्या प्रशालेच्या विद्यार्थिनीनी बनवले इको फ्रेंडली गणपती .
विशेष प्रतिनिधी
एहसान मुलाणी
टाइम्स 45 न्युज मराठी
शिक्षण प्रसारक मंडळ , अकलूज संचलित लक्ष्मीबाई कन्या प्रशाला, यशवंतनगर प्रशालेत विद्यार्थिनींना पर्यावरण पूरक गणपती तयार करण्याची कला आत्मसात व्हावे या कारणासाठी इको फ्रेंडली गणपती तयार करणे बाबत कार्यशाळेचे आयोजन करण्यात आले, या कार्यशाळेत विद्यार्थिनींनी उत्स्फूर्तपणे सहभाग नोंदवला आणि इको फ्रेंडली गणपती बनविण्याचा आनंद घेतला व आपल्या हाताने इको फ्रेंडली गणपती तयार करण्याचा आनंद घेतला व दरवर्षी घरी हाताने तयार केलेल्या गणपतीची च प्रतिष्ठापना करणार असा संकल्प बोलून दाखवला. गणपती तयार करण्यासाठी बॉम्बे मातीचा वापर करण्यात आला बॉम्बे माती पासून तयार केलेले गणपती पाण्यात लगेच विरघळतात ,विरघळलेले मातीयुक्त पाणी घरातील झाडाला घालून गणपती मूर्तीची होणारे विटंबना थांबवता येईल.
इको फ्रेंडली गणपती तयार करणे बाबतची कार्यशाळा प्रशालेत राबवण्यासाठी प्रशालेच्या मुख्याध्यापिका सविता गायकवाड ज्येष्ठ शिक्षक अनिल पिसे,शिक्षक प्रतिनिधी नामदेव कुंभार यांचे मार्गदर्शन लाभले.इको फ्रेंडली गणपती तयार करण्यासाठी विद्यार्थिनींना प्रशालेचे कलाशिक्षक विशाल लिके यांनी मार्गदर्शन केले,प्रशालेतील सर्व शिक्षकांनी कार्यशाळेसाठी सहकार्य केले.
कोणत्याही टिप्पण्‍या नाहीत:
टिप्पणी पोस्ट करा