*प्रभू श्रीराम*
राम महिमा अपार
रामसेवा खरी शक्ती
जगी प्रभू श्रीरामाची
श्रेष्ठ मातृपितृभक्ती ॥१ ॥
नीतीधर्म नीतीतत्वे
बंधुप्रती प्रेमभाव
रामरूपी फलश्रुती
मनी दया भक्तिभाव ॥२ ॥
सारे वैभव त्यागुनी
चौदा वर्षे वनवास
पादुकांची साक्ष सांगे
बंधुभेट खरी आस ॥ ३ ॥
लोकप्रिय धर्मप्रिय
राम शोभे सीतापती
दशरथ कौशल्याचा
राजपुत्र रघुपती ॥ ४ ॥
असामान्य सत्यनिष्ठा
थोर संयमी श्रीराम
नित्य भगवंता स्मरू
मुखी घेऊ रामनाम ॥ ५ ॥
राजा सर्वोत्तम गुणी
होऊ कसे उतराई
केला जगाचा उध्दार
राम वसे ठाई ठाई ॥६ ॥
ध्यानीमनी रघुवीर
कर्तव्यनिष्ठा अंगी
तव नामात दंगुनी
राम पाहू अंतरंगी ॥ ७ ॥
*कवयित्री*
*सुवर्णा घोरपडे*
संग्रामनगर-अकलूज
ता.माळशिरस जि.सोलापूर
कोणत्याही टिप्पण्‍या नाहीत:
टिप्पणी पोस्ट करा