*विशेष ---प्रतिनिधी*
*राजु मुलाणी*
*टाइम्स 45 न्युज मराठी*
*मो.8408 817 333
अकलुज येथील सदाशिवराव माने विद्यालय प्राथमिक प्रशालेत दिंडी पालखी सोहळा मोठ्या उत्साहात संपन्न झाला
याप्रसंगी आजच्या कार्यक्रमाचे प्रमुख अतिथी म्हणुन ह.भ.प.श्री.निषाद गाडेकर सर व ह.भ.प. श्री.आदित्य देढे सर उपस्थित होते. तसेच प्रशालेच्या मुख्याध्यापिका कु.शेख मॅडम उपस्थित होत्या प्रारंभी प्रमुख अतिथींच्या हस्ते व प्रशालेच्या मुख्याध्यापिका व सर्व इयत्तांचे प्रमुख यांच्या शुभहस्ते पालखी पूजन,प्रतिमापूजन,वारकरी सांप्रदायातील व अभिरूप पात्र साकारणाऱ्या विठ्ठल-रुक्मिणी,संत ज्ञानेश्वर,संत तुकाराम,संत मुक्ताई, संत एकनाथ, संत नामदेव, संत चोखामेळा यांचे पूजन करण्यात आले.
तदनंतर आजच्या कार्यक्रमाचे प्रमुख अतिथी .निषाद गाडेकर सर व आदित्य देढे सर यांचा प्रशालेच्या वतीने सन्मान करण्यात आला.
यापालखी सोहळ्या निमित्त आजच्या कार्यक्रमाचे प्रमुख अतिथी श्री.निषाद गाडेकर सर यांनी उपस्थित सर्व विद्यार्थ्यांना वारीचे महत्त्व सांगितले. तसेच वारकरी वेशभूषेत आलेल्या सर्व विद्यार्थ्यांचे कौतुक केले. आपल्या मधुर आवाजात "कानडा राजा पंढरीचा" हा अभंग सादर केला. याप्रसंगी सर्व विद्यार्थी,शिक्षक, शिक्षिका यांनी विठू नामाचा गजर करत प्रशालेचा परिसर दुमदुमला.यावेळी प्रशालेतील सर्व विद्यार्थी वारकरी वेशभूषेत उपस्थित होते.
त्यानंतर समावि प्राथमिक शाळा-प्रतापसिंह चौक- समावि प्राथमिक शाळा अशी पालखीची भव्यदिव्य मिरवणूक काढण्यात आली.यावेळी भालदार, चोपदार, पोलीस वेशभूषेत आलेल्या विद्यार्थ्यांनी उपस्थितांचे लक्ष वेधून घेतले.या दिंडी पालखी सोहळ्यात प्रशालेतील इयत्ता ४ थी चे ५०० विद्यार्थी व शिक्षक - शिक्षिका हरिनामाचा गजर करत सहभागी झाले होते
शेवटी प्रशालेच्या प्रांगणात अतिशय उत्साहाने गोल रिंगण सोहळा घेण्यात आला.त्यामध्ये प्रथम पताका,तुळस,टाळकरी, विणेकरी तसेच धाव,फुगड्या, अभंग,भजन करून विद्यार्थ्यांनी रिंगणाचा आनंद घेतला आणि पालखीची आरती करून सोहळ्याची सांगता झाली
सदर पालखी सोहळ्यास प्रशालेच्या मुख्याध्यापिका,शिक्षक- शिक्षिका शिक्षकेतर वृंद,विद्यार्थी उपस्थित होते.कार्यक्रमाचे सूत्रसंचालन मोरे सर यांनी केले.
कोणत्याही टिप्पण्‍या नाहीत:
टिप्पणी पोस्ट करा