बावडा येथील भाग्यश्री घाडगे यांनी रांगोळीतून तुकाराम महाराज व संतांची प्रतिकृती साकारली

 

इंदापूर तालुका...... प्रतिनिधी एस. बी. तांबोळी, मोबाईल-8378081147

- संतश्रेष्ठ जगद्गुरू तुकाराम महाराज पालखी सोहळ्याच्या आगमनानिमित्त बावडा येथील कु. भाग्यश्री अंकुश घाडगे हिने रांगोळीतून तुकाराम महाराज व इतर संताची अप्रतिम प्रतिकृती हुबेहूब साकारली. संस्थानच्या विश्वस्थांनी रांगोळीला भेट देवून त्याची पाहणी केली.

    जगद्गुरू तुकाराम महाराज संस्थानचे विश्वस्त ह.भ.प. भानुदास महाराज मोरे, उमेश महाराज मोरे, मुकेश महाराज मोरे, विक्रम महाराज मोरे व पालखी रथाच्या बैल जोडीचे मानकरी भानुदास शेठ खांदवे, पैलवान प्रशांत शेंडगे, गौरव साखरे, रवी काळभोर, शुभम धुमाळ यांनी भाग्यश्री घाडगे यांच्या रांगोळीला भेट देऊन त्याचे कौतुक करून सत्कार केला.

     यावेळी घाडगे परिवाराच्या वतीने महादेवराव घाडगे (संचालक सहकार महर्षि शंकरराव मोहिते पाटील साखर कारखाना अकलूज) यांनी वरील मान्यवरांचा सत्कार केला. या प्रसंगी शंकर घाडगे, अंकुश घाडगे, रणजित घाडगे, अभिजित घाडगे आदि उपस्थित होते.

फोटो - बावडा येथील कु भाग्यश्री अंकुश घाडगे यांनी रांगोळीतून तुकाराम महाराज व संतांची प्रतिकृती साकारली आहे.

---------------------------