*अकलूज --प्रतिनिधी*
*केदार---- लोहकरे*
*टाइम्स 45 न्यूज मराठी
शंकरनगर अकलूज येथील सहकार महर्षि शंकरराव मोहिते-पाटील सहकारी साखर कारखान्याच्या सहवीज निर्मिती प्रकल्पास को-जनरेशन असोसिएशन ऑफ इंडीया यांचे वतीने सन २०२४ चा "देशातील सर्वोत्कृष्ट सहवीज निर्मिती प्रकल्प" पुरस्कार प्रदान करण्यात आला.
या पुरस्कार वितरण सोहळा माजी केंद्रिय कृषी मंत्री व को-जनरेशन असोसिएशन ऑफ इंडियाचे अध्यक्ष,मा.खा. शरदचंद्रजी पवार यांचे शुभहस्ते व सहकार मंत्री बाबासाहेब पाटील,राष्ट्रीय सहकारी साखर संघाचे अध्यक्ष हर्षवर्धन पाटील, को-जन असोसिएशनचे उपाध्यक्ष जयप्रकाश दांडेगावकर,महासंचालक संजय खताळ,राज्य सहकारी संघाचे अध्यक्ष पी.आर.पाटील यांचे उपस्थितीत संपन्न झाला.
हा पुरस्कार स्विकारणेसाठी कारखान्याचे व्हाईस चेअरमन शंकरराव माने-देशमुख, कार्यकारी संचालक राजेंद्र चौगुले व को-जन मॅनेजर युवराज निंबाळकर,चिफ् इंजिनिअर व फॅक्टरी मॅनेजर सुर्यकांत गोडसे, डेप्युटी को-जन मॅनेजर संतोष राजेभोसले व कार्यलक्षी संचालक रणजीत रणनवरे उपस्थित होते.
कारखान्याचे मार्गदर्शक संचालक,महाराष्ट्र राज्याचे माजी उपमुख्यमंत्री विजयसिंह मोहिते-पाटील यांचे मार्गदर्शनाखाली व कारखान्याचे चेअरमन जयसिंह मोहिते-पाटील यांचे नेतृत्वाखाली कारखान्याची वाटचाल प्रगतीपथावर चालू आहे. सहकार महर्षि कारखान्यास सन २०२४ चा "देशातील सर्वोत्कृष्ट सहवीज निर्मिती प्रकल्प" पुरस्कार को-जनरेशन असोसिएशन ऑफ इंडीया कडून प्रदान करणेत आला असून कारखान्यास यापूर्वी राष्ट्रीय व राज्य पातळीवरील विविध पुरस्कार प्राप्त झाले असल्याची माहिती कारखान्याचे कार्यकारी संचालक राजेंद्र चौगुले यांनी दिली.को- जनरेशन असोसिएशन ऑफ इंडीया यांचे वतीने सन २०२४ चा "देशातील सर्वोत्कृष्ट सहवीज निर्मिती प्रकल्प" मिळाल्याने कारखान्याचे संचालक, कार्यक्षेत्रातील सभासद,ऊस उत्पादक शेतकरी,कारखान्याचे अधिकारी व कामगार तसेच हितचिंतक यांच्यामध्ये आनंदाचे वातावरण पसरले आहे.
कोणत्याही टिप्पण्‍या नाहीत:
टिप्पणी पोस्ट करा