इंदापूर तालुका ---प्रतिनिधी
डॉ.संदेश शहा
मो:-9921 419 159
वडापुरी ( ता. इंदापूर ) येथील दोन जिवलग मित्रांचा कुर्डूवाडी टेंभुर्णी रस्त्यावर पिंपळनेर जवळ कालव्यात चार चाकी पडून झालेल्या अपघातात मृत्यू झाला तर एक मित्र दैव बलवत्तर असल्यामुळे बचावला.
या दुर्दैवी अपघातात शंकर उत्तम बंडगर व अनिल हनुमंत जगताप ( तोबरे ) यांचा जागीच मृत्यू झाला.
या संदर्भात सुरेश राजाराम जाधव ( वय ४९ वर्षे, रा. वडापुरी ता. इंदापूर ) यांनी कुर्डूवाडी पोलीस ठाण्यात फिर्याद नोंदवली आहे.
गुरुवार दिनांक २१ ऑगस्ट रोजी फिर्यादी व त्यांच्या गावातील शंकर उत्तम बंडगर (वय ४४ वर्षे) व अनिल हनुमंत जगताप ( वय ५५ वर्षे ) असे तिघे जण चार चाकी वाहन ( क्रमांक एम एच ४२ बीई ८९५४ ) मधून धाराशीव येथून वडापुरी ( ता. इंदापूर ) कडे परतत असताना सोलापूर जिल्ह्यातील कुर्डूवाडी टेंभुर्णी मार्गावर पिंपळनेर लगत चालक बंडगर यांचा वाहनावरील ताबा सुटल्याने वाहन लगतच्या कॅनॉलला लावलेल्या लोखंडी गार्डला घासून गाडी कॅनाल मध्ये पडली. त्यावेळी फिर्यादी हे गाडीचा साईडचा दरवाजा उघडून गाडी तीन कसेबसे बाहेर आले. यावेळी गाडीचे इतर दरवाजे लॉक झाल्याने इतर दोघांना बाहेर पडणे शक्य झाले नाही. यामध्ये बराच वेळ गेल्यानंतर स्थानिकांच्या मदतीने ट्रॅक्टरने ओढून गाडी बाहेर काढण्यात आली. यावेळी गाडीत असलेले शंकर उत्तम बंडगर, अनिल हनुमंत जगताप यांना कुर्डवाडी येथील दवाखान्यात दाखल केले असता उपचारापूर्वीच त्यांचा मृत्यू झाला असल्याचे डॉक्टरांनी जाहीर केले.
दरम्यान या दुर्दैवी घटनेमुळे वडापुरी गावावरती शोककळा पसरली असून एकाच गाडीतून प्रवास करत असलेले तिघेही जिवलग मित्र होते. त्यातील दोघांचा मृत्यू झाल्याने गावकऱ्यांनी गावातील सर्व व्यवहार बंद ठेवत शोक व्यक्त केला.
कोणत्याही टिप्पण्‍या नाहीत:
टिप्पणी पोस्ट करा