नीरा भीमा कारखान्याचे एका दिवसात ६४०० मे. टन उच्चांकी ऊस गाळप : कारखान्याच्या अध्यक्षा सौ.भाग्यश्री पाटील यांची माहिती.

 सहसंपादक--- डॉ, संदेश शहा 

 टाइम्स 45 न्यूज मराठी 

 मो:-9922 419 159

शहाजीनगर ( ता. इंदापूर) येथील नीरा भीमा सहकारी साखर कारखान्याने सन २०२५-२६ च्या चालू रौप्यमहोत्सवी २५ व्या ऊस गळीत हंगामामध्ये एका दिवसात  कारखान्याच्या गाळप इतिहासामध्ये मंगळवारी दि.२ डिसेंबर रोजी ६४०० मे. टन ऊसाचे गाळप करून नवा उच्चांक प्रस्थापित केला आहे. चालु गळीत हंगामात कारखान्याचे संस्थापक तथा राष्ट्रीय सहकारी साखर महासंघाचे अध्यक्ष हर्षवर्धन पाटील यांच्या मार्गदर्शनाखाली सुमारे ७ लाख मे.टन ऊस गाळपाचे उद्दिष्ट पूर्ण करण्याच्या दृष्टीने कारखान्याची नियोजनबद्ध वाटचाल सुरु असल्याची माहिती कारखान्याच्या अध्यक्षा सौ.भाग्यश्री हर्षवर्धन पाटील यांनी दिली.

       सौ पाटील पुढे म्हणाल्या, कारखान्याचा चालू गळीत हंगाम उत्कृष्टपणे चालू असून, कारखान्याने मंगळवार अखेर १८९५८२ मे. टन ऊसाचे गाळप करत १४०३६० क्विंटल  साखर पोत्यांचे उत्पादन केले आहे. कारखान्याचा आजचा साखर उतारा १०.६०  टक्के असून, सरासरी साखर उतारा ९.९५  टक्के एवढा आहे. कारखान्याची गाळप क्षमता प्रतिदिन ३५००  मे. टन असून सध्या सरासरी ५६०० ते ५९०० मे. टन क्षमतेने ऊस गाळप सुरु आहे. 

 कारखान्याच्या सहवीज निर्मिती प्रकल्पातून आज अखेर ७०१०४११  युनिट वीज एक्स्पोर्ट करण्यात आली आहे. तर इथेनॉल चे आज अखेर १६४०११० लिटर उत्पादन निघाले आहे. त्याचप्रमाणे कारखान्याचे बायोगॅस, सेंद्रिय खत आदी उपपदार्थ निर्मिती प्रकल्प पुर्ण कार्यक्षमतेने सुरु असल्याचे सौ. भाग्यश्री पाटील यांनी स्पष्ट केले. कारखान्याने एका दिवसामध्ये उच्चांकी ६४०० मे. टन ऊस गाळप करून कौतुकास्पद कामगिरी केल्याबद्दल कारखान्याचे संस्थापक, राष्ट्रीय सहकारी साखर कारखाना महासंघ नवी दिल्लीचे अध्यक्ष व माजी सहकार मंत्री हर्षवर्धन पाटील यांनी कारखान्याच्या अध्यक्षा, संचालक मंडळ, ऊस पुरवठा करणारे शेतकरी, ऊस तोडणी वाहतूक कंत्राटदार, अधिकारी व कर्मचारी तसेच कारखान्याचे हितचिंतक या सर्वांचे अभिनंदन केले आहे. 

यावेळी कारखान्याचे उपाध्यक्ष दादासाहेब घोगरे, लालासाहेब पवार, विलासराव वाघमोडे, ॲड. कृष्णाजी यादव, दत्तू सवासे, प्रतापराव पाटील, प्रकाश मोहिते, संजय बोडके, राजकुमार जाधव, विजय घोगरे, सुभाष गायकवाड, राजेंद्र देवकर, उमेश पाटील, महेशकुमार शिर्के, आनंदराव बोंद्रे, रामचंद्र नाईक, राहुल कांबळे, संगिता पोळ, कल्पना शिंदे, कार्यकारी संचालक नवनाथ सपकाळ उपस्थित होते.