तुळजापूर तालुक्याच्या शेवटच्या गावापर्यंत पोहोचली शिवसेना;सलगरा मड्डी येथे भव्य शाखा उद्घाटन

 *मुख्यसंपादक --टाइम्स 45 न्यूज मराठी**

*मो:--  9730 867 448*

तुळजापूर: तुळजापूर तालुका आगामी जिल्हा परिषद व पंचायत समिती निवडणुकांच्या पार्श्वभूमीवर शिवसेना पक्षाने तुळजापूर तालुक्यात पक्षविस्ताराचे जोरदार मोहीम राबवली असून,तालुक्याच्या शेवटच्या टोकाला असलेल्या सलगरा मड्डी या गावात शिवसेनेची नवीन शाखा स्थापन करून भव्य उद्घाटन करण्यात आले.या उद्घाटन सोहळ्यामुळे तुळजापूर तालुक्यातील शिवसेनेचा प्रभाव आणखी मजबूत झाल्याचे चित्र निर्माण झाले आहे.

तुळजापूर तालुक्यात गेल्या काही महिन्यांपासून शिवसेनेची पकड वाढत असून अनेक गावांमध्ये शाखा स्थापन,मेळावे,बैठका आणि पक्षविस्तार मोहिमा सुरू आहेत.स्वयंबळावर जिल्हा परिषद व पंचायत समिती निवडणुका लढवण्याचा पक्षाने संकेत दिल्यानंतर प्रत्येक गावात शिवसेना पोहोचवणे हे महत्त्वाचे उद्दिष्ट ठेवून पक्षाने मोर्चेबांधणी गतीमान केली आहे.

शाखा उद्घाटन कार्यक्रम पक्षप्रमुख एकनाथ शिंदे यांच्या आदेशानुसार,जिल्ह्याचे पालकमंत्री प्रताप सरनाईक,पक्षाचे सचिव संजय मोरे,उपनेते ज्ञानराज चौगुले,सहसंपर्कप्रमुख भगवान देवकते,धाराशिव जिल्हाप्रमुख मोहन पनुरे यांच्या मार्गदर्शनाखाली पार पडला.

या कार्यक्रमाचे प्रमुख आकर्षण म्हणजे तुळजापूर तालुकाप्रमुख अमोल जाधव यांची उपस्थिती होती.त्यांच्या शुभहस्ते सलगरा मड्डी येथील शाखेचे भव्य उद्घाटन करण्यात आले.

तालुक्यातील विविध गावांतून शिवसेनेला सकारात्मक प्रतिसाद मिळत असून,पक्ष बळकटीसाठी सुरू असलेल्या उपक्रमांना मोठ्या प्रमाणात लोकसहभाग लाभत आहे.तालुकाप्रमुख अमोल जाधव यांच्या नेतृत्वाखाली तालुक्यातील शाखा विस्तार मोहीम जोमात सुरू आहे.

सलगरा मड्डी येथील उद्घाटन सोहळ्यास गावातील नागरिक व शाखाध्यक्ष,उपाध्यक्ष,सचिव,कोषाध्यक्ष,सदस्य तसेच ग्रामस्थ मोठ्या संख्येने उपस्थित राहिले.कार्यक्रमावेळी नागरिकांमध्ये प्रचंड उत्साह व उत्सवमय वातावरण दिसून आले.

या उद्घाटन सोहळ्यासाठी प्रमुख मान्यवरांची उपस्थिती होती.यामध्ये तुळजापूर शहर उपप्रमुख रमेश चिवचिवे,शहर संघटक नितीन मस्के,शहाजी हाके,स्वप्निल सुरवसे,नंदगाव गटप्रमुख अंकुश पाटील,सरपंच जनार्दन चव्हाण,उपसरपंच हरीश बेडकाळे,सिध्दाराम मुलगे,लखन पाटील,चैतन्य पाटील,संभाजी मोरे,दूशांत बेंडकाळे,अमोल क्षीरसागर आदी पदाधिकारी व कार्यकर्ते मोठ्या संख्येने उपस्थित होते.

या शाखा उद्घाटनामुळे तुळजापूर तालुक्यात शिवसेनेचा पाया आणखी पक्का झाला असून आगामी निवडणुकांपूर्वी पक्षाने ग्रामीण भागात मजबूत घडी बसवली आहे.सर्वात शेवटच्या गावापर्यंत पक्ष पोहोचल्याने पुढील निवडणुकांमध्ये शिवसेनेचा प्रभाव लक्षणीय वाढेल,असा पक्षकार्यकर्त्यांचा विश्वास आहे.