परंडा महावितरणचा स्मार्ट’ दणका; पूर्वसूचना न देता वीज खंडित — परंड्यात संताप उसळला!

 *करमाळा, तालुका --प्रतिनिधी*

*टाइम्स 45 न्यूज मराठी* 

 *मो:-9850686360*

परंडा तालुक्यात Maharashtra State Electricity Distribution Company Limited (महावितरण) च्या ‘स्मार्ट मीटर’ प्रयोगाने अक्षरशः नागरिकांचा संताप उफाळून आला आहे. बिल थकले की कोणतीही पूर्वसूचना, एसएमएस, फोन किंवा लेखी नोटीस न देता थेट वीजपुरवठा खंडित (Automatic Cut-off) — हा नवा ‘डिजिटल’ नियम ग्राहकांच्या मुळावर उठल्याची भावना व्यक्त होत आहे.

       काय आहे नेमका प्रकार?

स्मार्ट मीटर बसवलेल्या घरांमध्ये बिल भरण्यास थोडाही विलंब झाला, तर यंत्रणा आपोआप वीज कापते.

ग्राहकांना आधी इशारा नाही, वेळ नाही, संधी नाही!

अचानक वीज गायब — नागरिकांना तांत्रिक बिघाड वाटतो; पण चौकशी केली तर कारण एकच: थकीत बिल!

   बिल भरल्यानंतरही १५–२० मिनिटे अंधार!

महावितरणची ‘स्मार्ट’ प्रणाली इतकी कडक की ऑनलाईन बिल भरल्यानंतरही वीज तात्काळ सुरू होत नाही.

किमान १५ ते २० मिनिटे ग्राहकांना ताटकळत बसावे लागते.

रात्री-अपरात्री, ऑनलाईन वर्ग, घरून काम, रुग्णांची काळजी — सगळे ठप्प!

 ग्राहकांचा आक्रोश

“हा सरळसरळ भोंगळ कारभार आहे! किमान २४ तास आधी सूचना देणे बंधनकारक असावे. डिजिटल इंडियाच्या नावाखाली ग्राहकांना वेठीस धरले जात आहे!” — संतप्त ग्राहक

ग्राहकांचा आरोप आहे की:

स्मार्ट मीटर बसवताना नागरिकांना विश्वासात घेतले नाही.

माहिती, मार्गदर्शन, जनजागृती शून्य!

अधिकारी व कर्मचारी मुख्यालयी राहत नाहीत.

डीपीचा फ्यूज उडाला तर चार-चार तास कोणी फिरकत नाही!

तक्रार केल्यावरही प्रतिसाद ढिसाळ.?

 नियंत्रण कोणाचे?

स्थानिक पातळीवर मनमानी कारभार सुरू असल्याचा आरोप होत आहे.

अधिकाऱ्यांवर नियंत्रण कोणाचे? लोकप्रतिनिधींना माहिती आहे का?

“हा खेळ नेमका चाललाय तरी कोणाच्या आशीर्वादाने?” असा थेट सवाल नागरिकांनी उपस्थित केला आहे.

(शेख फारूक शेख यांची तीव्र प्रतिक्रिया)

 सर्वाधिक फटका कोणाला?

ज्येष्ठ नागरिक

विद्यार्थी (ऑनलाईन शिक्षण)

घरून काम करणारे नोकरदार

लहान व्यवसायिक

‘स्मार्ट’च्या नावाखाली सामान्य माणसाला अंधारात ढकलण्याचा हा प्रकार त्वरित थांबवावा, अशी जोरदार मागणी होत आहे.

      मागण्या काय?

वीज खंडित करण्यापूर्वी किमान २४ तास आधी लेखी/एसएमएस सूचना बंधनकारक करावी.

बिल भरताच तात्काळ वीजपुरवठा सुरू व्हावा.

स्थानिक अधिकाऱ्यांवर नियंत्रण ठेवून जबाबदारी निश्चित करावी.

स्मार्ट मीटरबाबत जनजागृती मोहीम राबवावी.

परंडा तालुक्यात ‘स्मार्ट’ मीटरचा हा प्रयोग नागरिकांच्या सहनशीलतेची परीक्षा पाहत आहे.

आता महावितरणने तात्काळ स्पष्टीकरण देऊन कारभार सुधारला नाही, तर तीव्र आंदोलनाचा इशारा देण्यात येत आहे.