*करमाळा, तालुका --प्रतिनिधी*
*टाइम्स 45 न्यूज मराठी*
*मो:-9850686360*
करबलाची घटना इस्लामच्या इतिहासातील सर्वात हृदयस्पर्शी आणि प्रेरणादायी घटना मानली जाते. हिजरी ६१ मध्ये, मोहर्रमच्या दहाव्या दिवशी (आशुरा), हजरत इमाम हुसेन (र.अ.) आणि त्यांच्या सहकाऱ्यांवर यजीदच्या सैन्याने अत्याचार केले. अनेक दिवस पाणी बंद करण्यात आले, लहान मुले आणि स्त्रिया तहानेने व्याकुळ होती, तरीही इमाम हुसेन (र.अ.) यांनी अल्लाहची इबादत आणि नमाज कधीही सोडली नाही.
युद्धाच्या अत्यंत कठीण परिस्थितीतही जेव्हा जुहर (दुपारची) नमाजेची वेळ झाली, तेव्हा इमाम हुसेन (र.अ.) यांनी युद्ध थांबवून नमाज अदा करण्याची इच्छा व्यक्त केली. त्यांच्या सहकाऱ्यांनी शत्रूच्या बाणांपासून संरक्षण करत नमाज अदा केली. काही सहाबींनी स्वतःच्या शरीरावर बाण झेलून इमाम हुसेन (र.अ.) आणि इतरांना नमाज पूर्ण करण्याची संधी दिली.
करबलाच्या मैदानातील नमाज संपूर्ण मानवजातीला एक महान संदेश देते की, परिस्थिती कितीही कठीण असो, अल्लाहशी असलेले नाते कधीही तुटू देऊ नये. तहान, भूक, संकट आणि मृत्यू समोर उभा असतानाही इमाम हुसेन (र.अ.) यांची नमाजप्रती असलेली निष्ठा प्रत्येक मुस्लिमासाठी आदर्श आहे.
करबलाची नमाज आपल्याला शिकवते की नमाज ही केवळ एक धार्मिक कृती नसून ती ईमान, सब्र आणि अल्लाहवरील पूर्ण विश्वासाचे प्रतीक आहे. इमाम हुसेन (र.अ.) यांनी आपल्या कृतीतून दाखवून दिले की, जो व्यक्ती अल्लाहशी जोडलेला असतो, तो कोणत्याही संकटात डगमगत नाही.
*"करबलाच्या रणांगणात तलवारींच्या सावलीत अदा झालेली नमाज आजही जगाला सांगते की, ईमानाची ताकद कोणत्याही सामर्थ्यापेक्षा मोठी असते."*
**"नमाज़ छोड़ न सके कर्बला के मैदान में,
हुसैन जिंदा हैं आज भी हर मुसलमान के ईमान में।"**
**"तीरों की बारिश थी, सजदा भी जारी था,
कर्बला में हुसैन का अल्लाह से रिश्ता सबसे प्यारा था।"
मुजाहिद मोहम्मद खलील काझी
करमाळा तालुका आणि करमाळा शहर काझी ( मुस्लिम समाज)
कोणत्याही टिप्पण्या नाहीत:
टिप्पणी पोस्ट करा