*अकलूज-- प्रतिनिधी*
*केदार लोहकरे*
*टाइम्स 45 न्यूज मराठी*
संग्रामनगर-अकलूज यांच्या वतीने आयोजित महिला सन्मान चषक २०२६-२७ या भव्य महिला क्रिकेट स्पर्धेचा पारितोषिक वितरण समारंभ अत्यंत उत्साहात पार पडला.या स्पर्धेत उत्कृष्ट कामगिरी करत शिवरत्न क्रिकेट अकॅडमी-अ संघाने प्रथम पारितोषिक पटकावले,तर शंकरराव मोहिते महाविद्यालय,माळेवाडी या संघाला द्वितीय पारितोषिकावर समाधान मानावे लागले.
या स्पर्धेचा बक्षीस वितरण सोहळा शिवरत्न शिक्षण संस्था, डॉटर्स मॉम फाउंडेशन तसेच शिवरत्न फाउंडेशनच्या अध्यक्षा सौ. शितलदेवी धैर्यशील मोहिते-पाटील यांच्या शुभहस्ते संपन्न झाला.
स्पर्धेतील वैयक्तिक विजेत्यांमध्ये उत्कृष्ट फलंदाज म्हणून रितिशा जाधव (शिवरत्न क्रिकेट अकॅडमी-ब),उत्कृष्ट गोलंदाज म्हणून मुस्कान दरवेशी (शंकरराव मोहिते महाविद्यालय, माळेवाडी),उत्कृष्ट यष्टीरक्षक म्हणून अक्षता सावंत (शिवरत्न क्रिकेट अकॅडमी-अ) आणि उत्कृष्ट क्षेत्ररक्षक म्हणून सीमा धुमाळ (पोलीस वाइफ इलेव्हन) यांनी बाजी मारली.
विजेत्या शिवरत्न क्रिकेट अकॅडमी-अ संघातील खेळाडू:
वृषाली पवार,अक्षता सावंत, वैष्णवी मिसाळ,डॉ.आशा शेख मॅडम,डॉ.वैष्णवी शेटे मॅडम, स्वरांजली सावंत,स्वरांजली जाधव,कुसुम डांगी व साक्षी एकतपुरे यांनी चमकदार कामगिरी करत संघाच्या विजयात मोलाचा वाटा उचलला.
या स्पर्धेत स्टार ऑफ अकलूज, शिवरत्न क्रिकेट अकॅडमी-अ, सनराइज् इलेव्हन,एस.एम.पी. स्कूल,शंकरराव मोहिते महाविद्यालय माळेवाडी,पोलीस वाइफ इलेव्हन अकलूज आणि शिवरत्न क्रिकेट अकॅडमी-ब अशा एकूण ७ संघांनी सहभाग नोंदवला होता.
स्पर्धेचे उत्कृष्ट नियोजन आनंद पावशे सर यांनी केले तर सामन्यांचे पंच म्हणून मंजीत नवले सर व जयराज पावशे यांनी काम पाहिले.या स्पर्धेमुळे स्थानिक महिला खेळाडूंना एक उत्तम व्यासपीठ उपलब्ध झाले असून परिसरातून या आयोजनाचे कौतुक होत आहे.
_____________________________________________
कोणत्याही टिप्पण्या नाहीत:
टिप्पणी पोस्ट करा