*टाइम्स 45 न्युज मराठी*
*मो.9730 867 448
*🌳 वसुंधरा दिन 🌳*
नित्यरोज सुप्रभाती
अवनीस नमस्कार
निसर्गात रमताना
किती बरे चमत्कार ॥ १ ॥
आज इथं धरित्रीने
किती सोसावा तो भार
पर्यावरणरक्षण
सुखी जीवनाचं सार ॥ २ ॥
जपू निसर्गसृष्टीत
वृक्षवेली वृक्षछाया
देण्या सकला सावली
वृक्ष झिजवती काया ॥ ३ ॥
सिमेंटच्या जंगलात
झाड गेली दूर दूर
नको होऊस मनुजा
आज इतका तु क्रुर ॥४ ॥
काळ्या आईच्या कुशीत
एक तरी झाड लाव
अस्मानी त्या संकटांना
निसर्गाची शक्ती दाव ॥ ५ ॥
फेडू ऋण धरित्रीचे
रक्षुनिया ऑक्सिजन
रम्य निसर्ग सृष्टीत
हर्षे वसुंधरा मन ॥६ ॥
*कवयित्री*
*सुवर्णा घोरपडे*
संग्रामनगर अकलूज
ता.माळशिरस जि.सोलापूर.
कोणत्याही टिप्पण्‍या नाहीत:
टिप्पणी पोस्ट करा